古天后日志｜SVB问题暂解决 先稳市场信心

3月13日，大致多云，日间短暂时间有阳光，天气乾燥。上周五美股七国咁乱，当晚公布嘅大非农表现强劲，加上SVB出事后被接管，令多间地区银行出现挤提，引发市场信心危机，拖累美股下跌，道指跌345点；标指更失守3900支持，并跌至3861收市，纳指亦跌近200点，市场出现非理性抛售，主要系市场担心SVB事件或出现火烧连环船，2008年金融危机重演。

事实上今次SVB事件跟2008年发生嘅金融海啸有好大分别，当时大部份银行持有大量所谓3A债券，而呢啲所谓优质资产，实际上系由次按打包而成嘅金融产品，当楼价下跌，贷款人无法偿还，呢啲债券就变得一文不值。重点系当时几乎所有金融机构都持有呢啲产品，当时嘅银行系因为持有大量烂资产，资产大幅贬值后，导致流动性不足。

而今次SVB则只系个别例子，SVB出现流动性不足，主要系因为管理问题多于资产真正恶化。自2020年疫情爆发后，好多初创企业取得融资，令手上现水大增，呢啲资就流入去SVB变成存款，SVB嘅存款由当时500亿左右美元，短短两年间急升至2000亿元之上，存款大幅增加，而息率有因为疫情继续QE而低迷，管理层为咗赚取更大息差，将存款资金投入10年期MBS。

不过至去年加息周期开始，初创企业再无法成功融资，更不断需要烧钱，就将本来存放于银行嘅存款提走，就过去一个星期，从银行流出嘅现金高达460亿美元，SVB手上现金紧拙，为应府提款需要，无奈出售手上优质MBS资产套现，而过去一年息口向上令价价下跌，因此尸SVB喺售卖呢啲资产后出现亏损，股东资本输到渣到无，就需要股东供股，引发市场恐慌。

而刚刚最近消息系，美国政府已承诺保障存户，为银行提供资金应付提款需要，但勍已表示唔会接手SVB，呢个做法系保存款，唔救银行，但都叫可以稳住市场信心。政府成立一个基金，以SVB手上嘅MBS作为抵押，贷款250亿美元畀SVB，挽救存户对银行信心，市面上唔再见挤提，就唔会再出现流动性问题。睇返SVB手上嘅资产质素其实唔差，当挤提问题解决，SVB透过出售资产以及将存客分流至其他银行，存户能保住存款，危机料可化解，但SVB嘅股东毫无疑问要承担损失。

经过SVB以及地区银行发生挤提，断估FOMC已唔够胆再随便出口术话要大幅加息，想再透过出口术为通胀降温已不可行，目前市场已受唔起惊吓，睇怕联储局将会依据经济数据去决定加息幅度，唔唔再有理冇理出口术。FOMC目前除咗要打击通胀，更重要系保住金融市场稳定。估计美股可以有喘息机会，睇下今晚可以反弹几多。

至于港股喺上周五下跌至19300-19400水平，亦系12月及1月大户开始大手扫货嘅起步点，而整个收集区大约系19300-20000点，呢啲水平应该有一定承接力。而上周五港股大跌605点，跌至19300水平后，成交额亦增至1664亿元，扣除rebalancing嘅被动买盘230亿元成交额，亦录得超过1400亿元成交，以近期淡静嘅成交额嚟讲，叫做有啲睇头。不过入场嘅资金系长线投资，抑或纯博周末期间美国政府出手救SVB，只献短线反弹，暂时亦系未知数。港股一日未见有新貣金流入，继续塘水滚塘鱼，港股都难成大器。