76岁刘江亲揭离巢TVB真正原因 比喻「带小朋友做戏」：得罪好多人
2023-03-08 10:00 
76岁的刘江在2019年出席《万千星辉颁奖典礼》时宣布约满后离开TVB，结束38年宾主关系。刘江与吕珊早前接受由杨绍鸿主持的港台节目《一起走过的岁月》访问，主持问到当年离开TVB的其中一个原因是否因为没有好对手，他直认不讳：「系！冇错，真嘅，唉，如果要讲呢会得罪好多人，唔好讲喇！大家都喺呢度搵食㗎嘛，好戏嗰啲未必摆埋一齐，所以我撞亲都系嗰啲，哈哈哈，即系我带住一班小朋友去做戏，OK？就系咁简单。」
【点击睇刘江过往剧照】：
人称刘老师的刘江在1970年代出道，曾经效力佳艺电视、丽的电视，1982年转投无綫，拍摄过不少剧集，直到2020年约满无綫，刘江决定不再续约，结束38年宾主关系。在节目上，主持人问到是否「小朋友」不听话？刘老师表示基本上他们都很有礼貌听自己讲：「只系冇乜改进咁解罗，我哋就幸运啲，讲个例子，我喺1960年代训练班出嚟，有出剧开，我做坏学生，但喺毕业礼上，导演要我好感激校长、老师嘅教导，要一个好感激嘅表情，我就脚软啦！但老演员就话，『小伙子唔使惊，OK嘅』！咁我咪拍罗，我攞住证书，同佢握手时，对方突然好大力咁握我只手，好大力㗎！咁我就做咗一个表情，导演话good take，『有潜质』，呢啲就系佢带住你。」在旁的吕珊说：「刘老师去到现场，on机时，佢就会有啲突发嘅演技会震撼到你，你就好自然发挥到真感情，如果唔系对戏都冇用，对白就梗咗，而演绎方法有几十种，所以佢话要交流，遇到高手交流就系咁。」
众所周知，无论拍电视抑或拍电影，都不时出现「飞纸仔」情况，刘老师直言这风气是不健康，「有一次，我等外景出发，等等等，最后飞咗纸仔嚟，我一睇，呢啲对白已经讲过，监制同我讲︰『你唔好搵个放大镜去睇至得㗎，呢张纸仔系某某飞畀你，系有名编剧，你仲想点样？』有次我演盲嘅老和尚，剧本入面有啲唔知咩经文，我唔识呢啲，又唔识分句，于是上网搵，睇吓点发音，突然间PA走埋嚟，佢话︰『唔好意思，嗰啲经文唔啱，你系念心经。』咁我点呀？修哥（胡枫）话唔紧要，搵人写大字报，我话我盲㗎喎，合埋眼，我点望呀？」他表示自己仍然有戏瘾，是暂时未遇到心动的角色。
入行多年的刘江经历过不少起起跌跌，提到最为惊险的一幕，肯定是1980年在丽的电视拍摄《人在江湖》，当时只有33岁的刘老师在开工前夕与老婆和儿子饮茶，期间突然全身不能动，要直接送院，他曾形容当时感到人生快要玩完，因为他脑血管栓塞，全身不能动，连落床去洗澡也要用上1小时，他坦言儿子的年纪很小，坚持要克服中风，一手一脚凑大囝囝：「唔郁得，我死人都郁得，系个信念，最后我做到喇！」幸好入院后9日便康复，自此意识到家人的重要。
刘老师亦曾表示儿子小时候作文更以爸爸作为演员而感到很光荣，不过反而担心个仔入行做演员：「呢行好辛苦又搵唔到食，嗰仔阿仔去英国读书连埋生活费，每月最少五万，我仲要供楼，所以日头去无綫拍剧，夜晚去亚视配音，到第二朝又返无綫开工，几乎每日都系咁过，连几时泊停车场同泊街边呢啲钱都要计呀，你话啦，不过咁以前你肯做，你话我唔瞓，一定有得你做，而家乜都冇喇，你想做都冇机会。」
【其他文章】：
蔡天凤碎尸案丨最新被捕女与关楚耀亲密合照曝光相识近10年 狂晒明星合照张振朗JW都有份
以神之名｜性侵方力申女友邪教教主极荒淫 1晚激战50女 全裸侍浴片曝光
蔡天凤碎尸案丨林姓疑犯保释后社交平台突遭移除 「五姐」入禀高院禁前亲家出售加多利山豪宅
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应