专栏｜利华哈化入球大无有怕

欧洲五大联赛之中，艾尔比较锺意睇德甲，因为当地睇波气氛实在太正喇。每次睇德甲，主场区球迷好多时由头嗌到尾，嗰种气氛好似小凤姐嘅名曲「热烈地弹琴，热烈地唱」咁样。喺另外欧洲四个主流联赛，系唔会见到呢种咁Hyper嘅环境。艾尔有生之年除咗要去史丹福桥球场朝圣之外，就系要去多蒙特嘅西法伦球场睇波，我觉得嗰度嘅睇波气氛系全德国最正。

上次推介拜仁慕尼黑对柏林联嘅赛事，结果主队轻松赢客队3球，让球下盘咁就输咗，真系激死，今次再接再厉，推介多一次德甲赛事。利华古逊季初炒咗瑞士籍教练施安尼后，竟然用上沙比阿朗素执教，呢位踢过皇马同拜仁嘅少帅过去只系教过皇家苏斯达二队，执教经验非常少。不过，佢主攻嘅打法同利华古逊非常夹，近5场赛事球队共攻入11球。特别留意19岁嘅德国超新星科利安华迪斯，近5场赛事贡献入2球3助攻，伤后状态回勇，系球队不可或缺嘅「中场发电机」。

利华古逊入得同样失得，近5场赛事失10球，有3场总入球系5球，水准非常反覆。今次主场对护级心切嘅哈化柏林，可能会上演入球骚，首选入球大细2.5/3球大。艾尔

立即下载 | 全新《星岛头条》APP : https://bit.ly/3yLrgYZ