专栏｜柏林联争冠当「仁」不让

2023-02-26 13:00

爱队车路士上仗连榜尾嘅修咸顿都赢唔倒，下半场揿住对面嚟打，控球率七成三，射门十一次，就系入唔到波。等于你好博命做一件事，试尽咩嘢嘅方法，结果都系得个桔。呢次球员嘅信心危机，相信唔系咁易搞得掂。嚟紧伦敦打吡作客近期回勇嘅热刺，纵使近五次作客都无输过，但以近况嚟讲真系不容乐观。

德甲嚟紧会上演拜仁慕尼黑对柏林联嘅前列大战，依家呢两队同多蒙特同分，形势非常紧凑。拜仁上场打少个之下畀「克星」慕逊加柏抢走三分，隔两星期后先有欧联踢，今场相信会格外落力。今次艾尔最担心嘅地方唔系后衞乌柏美卡奴停赛，而系沙迪奥文尼仲未复出，拜仁依然无一个稳妥嘅九号位人选，加埋拿格斯文好锺意不断试阵，对住防守咁硬净嘅柏林联，未必踢得咁轻松。

当然，柏林联亦试过突然大败畀利华古逊同弗赖堡，上季亦试过作客吞拜仁四蛋。不过，柏林联呢两季不断进步，球员收购洽当得宜。上场欧霸赛事好早阶段领先，好快换走晒主力。今次作客安联球场，让球受让球半两球咁多，除非心态上唔想同拜仁硬撼，否则让球[+1.5/+2]客胜绝对买得过。艾尔

立即下载 | 全新《星岛头条》APP : https://bit.ly/3yLrgYZ

關鍵字