廿岁港女为饮衫烦恼网民经验之谈：唔使穿晚装最好著呢样......｜Juicy叮

2023-03-01 07:00

有初出茅庐的港女为饮衫而心烦，日前上网发帖「认真问！去饮点著先叫得体？」，并直言「觉得谂去饮著咩衫仲烦过做几多钱人情」，还透露朋友打算大阵仗地租晚装裙出席。回应的网民都细心指导，强调不用穿晚装，但提醒「裙颜色唔好白同黑」，其馀斯斯文文，著一条普通的裙就可以，正常、齐整即可。

楼主在帖文中指「一去到廿几岁突然间多咗劲多人结婚，以前跟屋企人去饮加上仲细，著t-shirt牛仔裤唔会有人话，而家要自己去饮搞到都唔知著咩衫好。同班朋友讨论著咩衫，佢哋话打算租条晚装裙，又唔系做姊妹又唔系自己结婚，真系要去到著晚装裙咁夸张咩？会唔会抢咗新娘风头？应该要点著先叫得体啲？普通斯斯文文唔著拖鞋系咪都够？我觉得谂去饮著咩衫仲烦过做几多钱人情！」。

网民就饮衫作回应：

有初出茅庐的港女为饮衫而心烦，日前上网发帖「认真问！去饮点著先叫得体？」。

楼主「觉得谂去饮著咩衫仲烦过做几多钱人情」。

楼主透露朋友打算大阵仗地租晚装裙去饮。

楼主发帖「认真问！去饮点著先叫得体？」。

网民回应指，「靓靓地嘅裙斯斯文文去就可以的了」。网上截图

网民建议可以著one piece 短裙。网上截图

回应的网民以长辈姿态分享心得：

●「普通衣著就得了......」
●「裙颜色唔好白同黑」
●「正常、齐整就ok啦」
●「你系女仔 ? 著条裙就得啦」
●「正正常常、齐齐整整就得喇」
●「普通一条连身裙加高踭鞋已得」
●「靓靓地嘅裙斯斯文文去就可以的了」
●「著一条普通的裙就可以，唔洗太靓」
●「女士嚟讲只要唔系假日去街3宝，即tee、牛记同波鞋就得」

●「自己喜欢及著得舒服就得啦，唔通人地点睇你著乜真系咁重要咩」

另有网民搞笑地提醒，「男人著裙出席真系会吓亲主家」，「最基本咪系有衣领的衣服+西裤款，但不一定要著皮鞋」。

对于楼主提到朋友打算租晚装裙去饮，网民均力劝别冲动，指「唔使晚装，只要唔系牛记，tee就可以，简简单单one piece（连身裙）咪得」、「唔系主人家又唔系姊妹，就算去酒店饮都唔洗著晚装。可以著one piece 短裙」、「话租晚装果个有心整蛊你，唔好信佢仲要远离佢，心怀不轨！」。

另有网民提醒，「如果系普通朋友，穿著普通得体就可以」，但「千祈咪著牛记加波鞋呢d，尤其去酒店饮」、「要睇主人家身分同自己身分，酒店摆咪著好d，如果屋村酒楼摆，当然可以著t-shirt牛仔裤」，并指「其实唔系主人家根本无人在意你著乜（人地请你，唔好以为自己好重要先得㗎）」。

帖文来源：香港讨论区