人妻呻老公成日返大陆过夜网民献计图一招封喉｜Juicy叮

2023-02-26 12:12

通关后有人欢喜有人愁。有家庭主妇近日在facebook讨论区大呻，指「老公最近成日返大陆过夜」，担心「上面唔知系唔系有第二个」。回应的网民热心地抽丝剥茧帮忙分析，大部分人均认为举动有可疑，甚至断定情况不乐观。有网友献计「话一齐去」、「查佢银行，尤其消费方式」，这招获楼主肯定，指「查银行呢个方法好似唔错」。

楼主满腹心事地指，「自从内地通关之后，老公就成日都返大陆，话上去食下嘢揼骨按摩舒服下，有时星期六日放假上去我都理解，但最近佢连放工都走上去。放工之后番到屋企嗱嗱临食个饭就执嘢走，第二日直接去番工，咁样番工唔攰咩？

到埋真系有必要去得咁密咩？我有啲怀疑老公喺上面唔知系唔系有第二个，所以先会咁。但系老公平时对我都好好，去完番嚟仲会买埋嘢食畀我哋。如果唔系因为我要睇住小朋友，我都想跟老公一齐北上，睇下老公到底番大陆做咩」。楼主及后补充，「佢有时话同啲同事一齐去」。

人妻呻「老公最近成日返大陆过夜」相关图片：

有家庭主妇近日在facebook讨论区大呻，指「老公最近成日返大陆过夜」。istock图片，非当事人

有家庭主妇担心丈夫「上面唔知系唔系有第二个」。资料图片

楼主指「老公最近成日返大陆过夜」，担心「上面唔知系唔系有第二个」。网上截图

网民起疑心。网上截图

网民分享自身经历。网上截图

回应的网民热心地抽丝剥茧帮忙分析，大部分人均认为举动有可疑。

回应的网民大部认为频频北上举行有可疑：

●有嫌疑；
●可能叫小姐；
●你老公多数有二奶；
●冇事嘅，逢场作兴啫；
●睇开D，识返屋企已经算好；
●咁耐冇见二奶都可以理解嘅；
●肯定有问题啦。。。你咪话一起去咯。。。；
●10成去叫G，通返关，多咗咁多靓G，男人贪玩好正常；
●咁奇怪去得咁密？上面有钱执呀？通常上得咁密脚，一定有可疑！你唔好信啲男人出去过完夜，返嚟买啲嘢畀你食，就系对你好呀！

有网民坦言，其实楼主「自己心里面已经好清楚」，并激心地指，「楼主够大方，可以让老公上内地过夜不返家，按甚么摩呀？就算不是包二奶，长期按邪骨唔返家都唔好！家不成家！」，「咁样成日丢低老婆仔女自己上大陆过夜，点都唔可以界定为对你好好」；「咁情况上得咁密，多数有嘢。返完工食完饭咁急上喎。明天又要一早返来香港返工。佢唔倦咩。除非上面有第二头家，焗佢要上去伴人。所以你检查下佢D嘢。睇下有冇资料」。

另有网民分享自身经历：

●我觉得我老公有去做衰嘢，我都质问咗佢好几次，但系佢又死口唔认，咁我就算数。费事日日吵大镬。暂时冇第二个嘅情况，因为佢多数一个月北上一次，坚持话系揼骨加饮酒。

●我都觉得你老公有可疑，下次你搵机会陪佢一齐上去，睇吓有冇蛊惑啦⋯⋯其实我老公又系一个月上去2次，同埋朋友去揼骨、食嘢、饮酒。因为星期六日我要返工，冇得陪佢一齐去。我当佢去逢场作兴，唔系包二奶就算数⋯⋯

●我未封前都1个月上去1-2次，都系纯按摩食嘢，香港骨场太细太赶，用更平价钱享受更多，又浴池又乾湿蒸，几百蚊睇完波或电影再瞓埋，不过我上去会拍片（技师尽量拣男，贪佢够力，拍片再扫埋技师入镜，女友都好放心我上去），有时佢放假再一齐上，坦白讲要偷食，我出完骨场再去邪骨都得，不过主要系俾到佢信心，之后上去佢都冇炸型。

●结咗婚，个老公要自己北上仲要过夜，唔好讲你有冇权唔畀，而系佢做得出，我真系唔觉佢有几爱你？我结婚23年，未有一日老公唔系同我瞓，佢亦唔会丢低我北上。

不过有网民提醒，「大家唔好再以为香港人好似20年前咁馨香，或者深圳消费仲系咁平。除非你老公搵十万蚊以上啦，否则都唔可以轻易包到二奶」；「又唔洗谂到咁灰，上面依家包2奶唔同20年前，散餐可能会，接唔接受到就睇你点谂」，并指「只眼开、只眼闭。有拿钱返家吗？咪当冇事。谂咁多自己唔开心」。

有网友则从正面对看，开解楼主：「其实你老公做夜更水货客，搵多D钱养B」、「会唔会工作有关？」、「咁要相信老公嘅」。

而除了调查丈夫的洗费外，网民还有其他调查招数，包括「教你一招，放一盒避孕套在平时放开的地方，记得数目，然后过几日睇下有无少到」；「叫老公出钱请工人姐姐照顾小朋友，自己搵一份正正式式的工作（唔好兼职），做好随时离婚的准备（唔系叫你离，系准备），之后再向老公提要求：平日放工唔准再返大陆，周末返大陆揼骨请带上我」。回应的网友指，「非常同意建议，女人失去搵钱能力就没晒牙力！」，「一定要出来搵份工，做好两手准备！」。