男方疑被「绿」情侣当街拳来巴掌往 旁白肉紧网民饱吃花生｜Juicy叮
2023-02-27 15:09
一对男方怀疑被「戴绿帽」的情侣光天化日下在街头耍花枪，拳来巴掌往，吵闹声震天，惊动在旁大厦低层住户，并拍下嗌霎经过。配有现场旁白的短片被上载至facebook专页「柴湾人柴湾事」，网民闻风而至饱吃花生，对片中两人关系评头品足之馀，更大赞旁述对白精警，强调「识听一定喺听旁述」。
短片长5分05秒，一开始见到短裙女怀疑已被壮身材男友抢去手机检查内容，女方大喊「攞番嚟啦，乜X嘢啫」，接著被男方松膊头推跌，撞落一辆行驶中的小巴车身，险些被辗过。
女子勉强站起后追前扯男友衫帽还击，双方经一轮街头谩骂后，短裙女准备开车门上车时，被男友一拥入怀。但怀疑因双方一言不合，又再次分开嗌霎，未几短裙女再被男方拥著，女方虽然一度挣脱，其后再也无力反抗，就范于男方的强力拥抱下，片段就此结束。
识听一定听旁述
回应的网民均大赞拍片的旁述，指「啲旁述一流」、「识听一定喺听旁述」、「旁述真系好好笑」、「讲到好似讲波咁」、「真心好搞笑，好彩有你哋旁述」、「旁述得咁精彩，当事人睇到又情何以堪呢」、「真系配得几好」、「旁述好得呀」、「Like畀配音3人组，有配音精彩好多」。
有网民指「成个故事真系好好笑」，并技养节录一段配音3人组的旁白：
👨🏻： 哎呀成顶绿帽带落嚟仲要揽番佢呀？
👵🏻：帽事嘅，同啲朋友出去饮嘢好正常啫⋯⋯
👩🏻：唔系喎，佢同个男人饮完嘢坐的士一齐返嚟喎……仲要畀个肥仔揸车过嚟捉到。
情侣耍花枪实况及网民回应：
配音3人组精警对白节录：
●有车、有车呀，哎呀、哎呀，快啲扶起佢啦，哦
●无㗎喇，反枱㗎喇
●有乜好check唧，（不在片中）条仔走咗啦，知道自己系第三者
●哦，真系畀人捉到
●（片中）条仔特登开车「仆」住条女返屋企㗎
●住喺度都系屋邨女
●整口烟食下先
●通常D肥仔都好有咪喎
●仲倾咁多嘢做乜啫，晒冷啦
●条女靓啩
●靓鬼，咁细粒，畀都唔好要呀，冇身材呀，要波冇波，要罗无罗
●旁白主动配上对白：「上乜Ｘ嘢车呀，讲清楚先啦，Ｘ你」
●依家Ｄ港女多数都背「菇池」㗎啦，「菇池」万零蚊
●旁白主动配上对白：「哎吔、哎吔，我唔可以无咗你呀，求下你呀」
●呢个大烟种，俾人绿完仲要揽番转头喎，都真无性嘅唧，都被人绿完啦，仲要......
●（女方）呢个系绝对啱啱饮完酒返嚟
●嗱，一喊呢，咁呀个Ｄ仔心软呢，心软呢就揽返佢㗎啦
●哈，其实佢哋知唔知我哋几个睇住佢嘅呢
另有食花生的网民指，「知错嗱！我要坐宝马！」、「畀人打完上要上车，真系咩心态」、「拍戏啫」、「证明香港而家啲女犯贱」、「笑死，点打都唔想畀个肥仔打罗～」、「咁样畀条仔推落地都唔走。咁cheap得唔得㗎？」。更有网友分析场景，指「成单嘢！诡诡地，如果依到系条女主场，点解要上宝马走？仲要条女到最后都系咁推开条仔！」。
相关新闻：
地铁MMA雌雄难辨 大叔突知对手是女性「呢样」瞬间起变化
帖文来源：柴湾人柴湾事
同场加映：
大家乐MMA｜火爆阿伯拳头争位 大厨霸气拦实：够啦够啦
网络流传影片，有年长食客在上水新丰路连锁快餐店「大家乐」，怀疑因争位大打出手，阿伯非常好火挥拳痛击另一年长食客，双方争执不休，店内大厨及职员均出手拦阻，大厨更霸气大喊：「够啦！够啦！」
影片全长约21秒，上载影片的网民指事件发生在本周四(2日)，该网民指两名年长食客因争位大打出手，但从画面看到现场有不少空位。该网民解释，本来坐满客，但由于两人争执，部分食客「一个个走晒先有咁多位剩」。
本网正就事件向大家乐查询。
直击大家乐争位MMA↓↓↓↓
最新回应