专栏｜RB莱比锡唔再得个快字

今届世界杯在个人角度已经历一生人最精采的一届，当时已经好怕唔知会唔会对足球失去兴趣，唔系讲笑，唔少人都系咁，对一件事或一种游戏充满兴趣，到「自觉」已拆解就会生厌，就好似打爆机后，就唔会再玩同一款游戏。呢种对足球失去热情的后遗症到最近有返起色，正正系因为欧联欧霸重开，多番点新鲜感。 
爱队祖云达斯在欧霸首回合又被黑，VAR叫球证补十二码畀祖记，球证就再用另一藉口罚揿人，这个世道已经去到个别球会被权力机构在球场内外都打压，实在要睇返几次「风再起时」去回忆我们曾经拥有过，比较理想的制度。

星期三就睇咗RB莱比锡对曼城，莱比锡追和的一球难道又要吹揿人？球例一样，解读不一样，本身就系一个问题，唔应该接受，「不同球证有不同角度和标准」，从不应该被接受，只是足球已存在太多「唔应该」。

莱比锡个奥地利中场舒拉加在对曼城的表现非常抢眼，阅读球赛能力高，传球的路綫选择非常好，令红牛唔再系几年前一样得个快字，难怪近两个月攻力咁强。对手法兰克福周中亦有欧战，消耗相若冇着数，推介RB莱比锡让0.5/1上盘。马高

立即下载 | 全新《星岛头条》APP : https://bit.ly/3yLrgYZ