独家丨72岁李龙基今年再婚低调唔摆酒跟细36年女友性生活好协调

2023-02-14 08:00

72岁李龙基搵到第二春，4年前跟细他36年的Chris Wong谱出「爷孙恋」跟妻子分开。近年两人愈爱愈高调，老当益壮的李龙基同Chris完全冇代沟，包括性生活，他自豪说：「如果唔协调，佢咁后生点忍呀？」采访：方骞平

于心愿树下，一身年轻打扮嘅基哥孭起Chris展腰力。

懒理被指「爷孙恋」，两人爱得愈来愈高调。

Chris不时主动向基哥发动冧功。

日前李龙基跟36岁Chris 喺鲤鱼门心愿树下影相，期间Chris向「老公」诈娇：「我咩心愿都有喇！」乘机放闪，不过，基哥为显示自己仲系壮男，点都要孭起约150磅的「老婆」骚吓好腰力，场面搞笑。

有个中女女友，基哥打扮变得年青化。

基哥去到边女友都黐到实。

女友诈型唔畀讲未婚

问到两人婚姻状况，基哥竟自爆：「其实未结婚嘅…」Chris即插嘴截停说：「唔好讲佢(记者)知啦…」搞到基哥一脸尴尬猛打圆场：「佢话结婚要问准父母先都啱嘅，睇吓佢哋要几多礼金。之前本想返内地见家长，但疫情去唔到，如无意外今年(结婚)，但会低调唔摆酒，到时搵班老友，好似你(记者)咁简单食吓饭罗。」语毕，Chris突然说：「睇吓点！」此刻，基哥面有难色装作听唔到。

基哥自爆其实两人仲未结婚嘅。

虽然两人年纪相差36年，但基哥表示沟通不成问题，有心有力的他更强调两人性生活好协调：「呢个世界孤阴不生独阳不长，创造男女一定需要呢样嘢，呢个系天然定律，点可以推翻呀？讲真相爱系藉口，实际就嚟真章…所以拍拖4年来我哋冇分开过，疫情下好多中港夫妻因为分隔两地导致分开。」作为隐型富豪的他，曾经历过投资失利，自言对财富看得好淡，更指儿子都长大不需要他的财产，打算将名下资产转给Chris，但至今还未写好平安纸：「反正我仲有搵钱能力，啲钱都带唔到入棺材㗎啦。」