独家丨王贤志公开囝囝写真第一波甜舔雪糕《仔仔一堂》情侣煮情人节餐玩互喂

2023-02-14 07:00

由王贤志(Vinci)监制及主持的同志配对真人骚节目《仔仔一堂》，成功撮合Ray及Kenny成为情侣，省靓Vinci嘅金漆招牌。于情人节兼每月14号的拍拖纪念日，Kenny为Ray煮情人节餐外，两人更送花向Vinci谢媒，同时开心share慈善写真集《Pride in Action》。相中两人唔避忌互咀及贴面食雪糕，勇敢去爱的Ray坚定说：「发自内心嘅热恋期行为，希望世界多一点爱少一点恨，唔好歧视同志。」采访：方骞平摄影：谭志光化妆发型：Claudia 场地： Bosses studio

Kenny(中)为Ray(右)煮情人节餐，并送上花束畀Vinci(左)谢媒。

Kenny为Ray开心share慈善写真集《Pride in Action》。

《Pride in Action》写真集为5个支援LGBT慈善机构筹款。

虽然节目经已播完，但12位囝囝仍受关注，王贤志因此自组制作公司兼做埋囝囝经理人，头炮product打铁趁热推出《Pride in Action》慈善写真集，仲会炒热馀温，每周一晚于YouTube Channel做《Boyscation Talk》，Vinci率囝囝讲心事及跟member互动交流。

作为经理人嘅Vinci之前请囝囝食开年饭，同时为Carson(前中)庆生。

《Pride in Action》共164页，售价$428，扣除成本捐赠与《仔仔一堂》节目中访问过的五间本地支援LGBT嘅慈善机构。

52岁Vinci跟Kevin于2016年8月在温哥华注册结婚，成为香港首对同性婚姻艺人。

《Boyscation Talk》之前就请嚟HoHo(右1起)、Nathan、Howard讲性反应。

互喂放闪食情人节餐

下月才拍拖一年的Ray及Kenny共渡首个情人节，由于情人节是私房菜馆黄金时期，Kenny提前为Ray煮情人餐「开水白菜」及「灵魂双弄」(蚬)，单系白菜汤底经已落足心机用鸡、鸭、火腿熬足5粒钟，Ray未食已赞不绝口，对住Kenny心心眼说：「佢煮乜都好食，就算冇菜谱都识煮…」当Ray要求Kenny喂饲时，Kenny即投诉：「我煮咗仲要我喂你！」Ray轻声呵返：「你系咪(白菜)落咗好多糖，咁甜嘅。」Vinci大爆当日Kenny因为一壶爱心汤水而跟Ray挞著。Kenny解释，拍节目期间Ray喺群组中提出想饮老火汤，他因为技痒煲咗羊肚菌螺头乌鸡汤畀大家饮，点知被Ray私吞…不过，讲到底两人都要谢媒，故先送上代表住勇敢的向日葵畀Vinci，到结婚时一定封媒人利是。

Kenny喂Ray食蚬，Ray未食已赞不绝口。

Kenny及Ray影相时齐摆出心心相印Pose。

两人互望唔使食都饱。

Sweet呀。

节目后已拍拖接近一年了。

Kenny提前为Ray煮好味情人餐「开水白菜」及「灵魂双弄」(蚬)。

船P上Kenny(右)送上老火汤，Ray左)私吞定情。

许爱的承诺不会放弃

Ray及Kenny目标3年后结婚，婚后可能领养或收契仔，现阶段共同目标系努力赚钱，然后过同居生活。两人在镜头前大摆心心Pose，32岁的Ray仲向Kenny许下爱的承诺：「去到我呢啲岁数适应咗唔想转变，而且相处过程好舒服，如无意外系佢，佢唔放弃我，我都唔会放弃佢。不过，Kenny愈嚟愈靓仔，我都担心有一日俾人抢咗，有段时间乱谂嘢，情绪有好大困扰，直至有日佢安抚叫我唔好谂得太多先定啲嚟。」Kenny乘机指Ray为人固执唔听人讲，所以有时会发他脾气。

社交网相见两人不停放闪。

两人出街拍拖同异性冇乜分别。

闪盲眼球。

节目中两人喺沙滩谈心后，加强咗了解及沟通。

情人节成双成对。

寄语member做好自己

提到写真集中两人著住情侣装又揽又嘴行为大胆，Vinci踢爆说：「佢哋私下仲大胆啦…其实好多fans都锺意睇佢哋好sweet嘅场面㗎。」Ray甜笑默认：「每个月嘅14号我哋都会去酒店staycation庆祝拍拖纪念日子，喺酒店房入面唔止揽锡咁简单呀？」Ray认为热恋中情侣唔使要求都会锡埋去，强调冇压力：「节目《仔仔一堂》带出勇敢去爱讯息，亦庆幸Vinci塑造到我哋呢班『优质股』，出到街冇被鄙视，啲人对我哋好nice，我哋都系普通人。」Kenny认为无需要理人。至于Vinci成功做媒人有满足感，叮嘱两人要keep住甜蜜保住他金漆招牌：「身为同性恋者唔需要理会人哋嘅奇异眼光，只要做好自己，做出一啲成绩自然得到人哋欣赏。」