头条戏场丨《1人婚礼》陈健朗真心正罗

讨论区有大量狠插此片的留言，又话烂片又话垃圾，烂片点都唔轮到佢，排吓队先啦。我属于第一批睇的观众，抱住睇「爱情喜剧」入场，嗱，当时宣传系咁讲㗎，原来一场误会，一早话系轻松温情小品咪好罗。散场后最有印象女主角阿冰啲靓衫，同埋白净又Cute的陈健朗，如此缤纷活泼的陈健朗真系好少见，根本就系2023年版的「百厌死仔」，推介睇埋制作特辑「陈健朗：被胡须耽误的喜剧演员？」睇傻仔笑睇到会心微笑。(上映中)撰文:廖思慧

电影如阿冰Fashion Show。

唐浩然 饰演子浚，疯狂基督徒，亦系阿冰只兵。

套戏美术做得唔错。

呢套黑白吊带毛毛裙好得意呀。

阿冰最大志愿系成为网络世界大红人。

情侣YouTuber阿冰及男友Dickson。

制作特辑「陈健朗：被胡须耽误的喜剧演员？」片段，咁CUTE嘅陈健朗你见过未?真心黐线。

可一不可再。

牙朗呢啲笑容平时点会见到。

回归现实​，有冇人同我一样觉得佢好有型?有?冇?咁算啦。

 

情侣扮分手呃订阅
究竟呢套票房麻麻，场次不断被Cut的电影讲乜?主角阿冰(吴冰饰)和男友Dickson (陈健朗饰)是YouTuber，因为自家频道谷极唔起，呢对同居情侣为求提高点击率扮分手，然后女方再自导自演「一人婚礼」，因为够爆够勇够正能量，点击超劲，阿冰更成为「爱自己」KOL，吸引大堆Fans力撑，包括有强逼症的花店老板娘乐仪(卢巧音饰)，最后，阿冰突然觉悟呃人是不对的，然后勇于接受真正的自己。

 

「一人婚礼」原意是在众人的见证下，真诚地表现对自己的完全接纳和爱。

呢幕系全片最好笑。

两人都系YouTuber梦想成为热爆YouTuber。

Dickson 有小聪明，自私，咸湿，以冷嘲热讽无聊事为乐，自大，不可一世，典型古惑仔气质，开口说话时又不失风趣幽默，新闻稿咁写。

阿冰喺戏中都有性感演出。

两人顺应网民要求玩求婚，实际是假结婚，惨遭悔婚的阿冰决定要同自己结婚！

阿冰一啲都唔差喎

睇返周冠威导演的访问，原来曾经考虑tagline用「YouTube世代的魔幻童话」，因为童话世界的黑白分明，可以呼应现实网络世界的爱恨分明，其实用呢句好好多。主题几有创意，故事亦好完整，每位演员都好努力，最重要反映现实，游走网络世界唔使咁认真，搞掂自己先，坦诚面对真正的自己，好好爱自己先可以爱人。有人弹阿冰做得差，其实佢好可爱仲有啲似初出道嘅阿Sa，作为第一次绝对合格。不过导演有啲贪心，片长1小时55分，其实系咪真系要咁长?

翻查资料，上年套《阖家辣》都收3270万港元，呢套点会差得过佢，票房得318万港元?吓?

王宗尧同卢巧音饰演花店夫妇，一对大爱COUPLE。

卢巧音饰演的乐仪从阿冰身上得到极大心灵力量，更变成阿冰的头号粉丝。

冇晒颈嘅纹身，应该遮得好辛苦。

陈逸宁饰演阿冰妈妈，角色几乞人憎，但要赞佢KEEP得几好。

 

《星岛头条》APP经已推出最新版本，请立即更新，浏览更精彩内容：http://www.stheadline.com/