独家丨ANSONBEAN露红底好惊青：希望剪得走 Dee姐沉醉两男为佢大打出手

Dee姐（陈海宁）和ANSONBEAN（陈毅燊）在ViuTV新剧《杀手废J》初次合作，两人在剧中是师徒关系。Dee姐最开心ANSONBEAN及陈湛文为她大打出手，完成现实冇可能发生的梦想；而ANSONBEAN兴奋拍打戏两个钟，然后OT变8个钟，仲大赞边拍边消水肿愈拍愈靓仔。采访：杜杜 摄影：Stanley 发型:Milk Chan@Xenter Salon(ANSONBEAN) 化妆:Jenny Shih(ANSONBEAN) 服装:Versace(ANSONBEAN)、maje(Dee姐)

Dee姐和ANSONBEAN都觉得拍此剧辛苦得来，相当好玩。

Dee姐和ANSONBEAN讲起拍摄过程，都表现得好兴奋。

Dee姐自爆因为够肥所以得到「Chloe」一角，「呢个角色系需要肥，要岩巉啲，我同Anglea（袁澧林）有啲微妙嘅角力，有啲反差好啲，不过我对外讲都系Mike（导演）迫我增肥。」ANSONBEAN得悉剧集有动作戏，已恨拍到流晒口水，「知道关杀手事，有得用枪，有好多动作场面，第一时间已经好high，仲知道系Mike导系perfect，佢啲嘢会去到好尽，好癫，我平时都好锺意迫到自己好尽，好锺意挑战玩啲极限运动，好彩cast到。」

 

剧中ANSONBEAN教Dee姐做杀手，仲教她开枪。

Dee姐较拍剧时瘦了不少，但她唔肯公开磅数。

ANSONBEAN兴奋开OT

Dee姐忍唔住主动剧透，「真系历史性第一次，有两个男人争我！但系争咩我系唔会讲，等大家误会多一阵先，我谂起都觉得好爽，收到剧本最期待无端端有男人为我格斗嘅戏，因为现实生活真系冇可能发生，所以继续畀我沉醉吓呢个状态先。」

Dee姐同陈湛文都有不少对手戏，对方亦为她大打出手。

ANSONBEAN为了Dee姐，跟陈湛文格斗。

这场戏原来ANSONBEAN都拍得好爽，开心位竟然系有得OT，「本身场动作戏拍两个钟，之后拍咗8个钟，严重OT，拍得好开心，呢种OT系唔同，因为好多时OT系等拍，但系等咁耐先拍好惊拍出嚟个状态会残，但系拍动作戏一路开枪，一路追住『阿J』（陈湛文饰），一路喺度消紧水肿，咁样OT系会靓仔啲。」ANSONBEAN仲首次成功挑战打前空翻，可惜搞到走光，「我本身练系平地打，未试过高嘅位打落去，最衰嗰日开工着咗条红色底裤，打嗰吓好激，我睇片条红色底裤突咗出嚟，好似露咗少少底，希望剪得走，哈哈！」

ANSONBEAN承认有偶包，演文戏仍然未够自然。

ANSONBEAN直言好崇尚英雄主义，跟角色「阿政」好似。

新网站 www.stheadline.com 已推出