给十九岁的我｜「香港小姐」爆签同意书被误导：摄制队称所有人同意公映我才签名
2023-02-06 12:38 
由张婉婷执导的纪录片《给十九岁的我》因片中其中多名主角向杂志以万字文大控诉，指校方及导演张婉婷未有理会学生反对，坚决让电影公映，引起网民热烈讨论，今日（6日）再有新进展，六名女主角之一的江冰滢（片中称为「香港小姐」）于社交媒体发文表示，虽然电影上映前曾签署同意书，但当时拍摄团队曾意指「所有人已经签咗名，剩系得我未签」，结果她表示：「所以我冇谂过背后有咁多嘢嘅情况之下，我就将呢一个同意书签咗。佢哋完全冇同我交代成个事情嘅来龙去脉，所以我一直以为呢一套电影全部都系好评同埋一切都好顺利。我当时就抱著一种心态，就系话既然系一个咁有意义嘅电影啦，公开自己小小嘅黑历史都唔系话唔可以接受嘅。」
【点击睇江冰滢近况】：
江冰滢又说：「我个人系比较Peace and Love嘅主义，而且我嗰阵时决定将我自己个部份放出嚟，系因为当时我嘅初衷就系希望所有父母可以更加关心青少年嘅心理状态，嗰个年纪嘅我哋系最需要身边嘅人支持同埋陪伴。我个人睇咗呢一套电影两次，最大嘅感想就系觉得时间过得好快，而且每个人都系自己擅长嘅领域做自己锺意做嘅嘢。其实都好替所有人开心。」
因为江冰滢于中学时期已离港生活，所以她留言称未感受到电影上映后对其有何影响，但既然另一名女主角阿聆反对上映：「阿聆嘅佢一开始就反对呢一套电影上映，并且呢一套电影带俾佢咁大嘅影响，导演组同埋校方就唔应该将呢一套电影上映。毕竟人生存系呢个世界上就系希望自己开心，唔应该将自己嘅快乐建立系人哋嘅痛苦身上。换过角度嚟睇，最主要系我自己嗰一部份，除咗可能参选港姐有啲尴尬来讲，其他地方都可以接受。但系如果换阿聆同阿余既角度来讲，系非常可以理解，因为佢牵涉咗好多你自己私人生活同埋好多私隐，你冇办法控制观众睇到你嘅时候，会对你呢啲个人产生乜嘢感受同埋评价，你亦都冇办法可以做到坐视不理，最后希望所有嘅参与者可以喺未来嘅日子当中发光发热，永远开心快乐。」
江冰滢是电影中少女家庭环境最为复杂的，她来自破碎家庭，她爸妈离婚后又先后再婚，欠缺家庭温暖，梦想长大后选香港小姐，绰号叫「香港小姐」。她一度在港思念远方母亲，不少观众也对香港小姐的遭遇落泪。「香港小姐」拍摄中途远赴美国与母亲团聚生活，拍摄也从此中断，虽然电影中没有明说，但张婉婷也透露「香港小姐」出国后也有很旁徨的时刻。长大后的她再次受邀拍摄，已长得亭亭玉立，生活充实、成绩优异，网民也大感安慰！
而网民对「香港小姐」的评价很：「香港小姐承受嘅，对于一个中学生而言真系好痛苦——被亲戚当人球，婆婆凑几个月、公公凑几个月，舅父冷待佢，自己买饭盒返去食，到之后留班，老豆同继母唔妥佢，老豆迁怒于佢，到最后决心去美国，唔系佢真系想去美国，系因为只有美国嘅妈妈先系佢唯一可以爱同寄托嘅人，到最后佢系美国读到书 gpa爆4， 同妈妈团到聚，都系佢撑返嚟，好佩服佢！ 」
【其他文章】：
孙慧雪陀B网民忧《爱．回家》会下车 编剧上身「派帽」畀欧瑞伟经手
给十九岁的我丨张婉婷曾称为拍摄百年母校重建 活现六位家境各异师妹10年来成长故事
林心如罕动怒发文！6岁女正面照流出引讨论 网民叹霍建华基因强大
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应