给十九岁的我｜张婉婷自认做得唔足够 对阿聆公开道歉：希望仲记得我哋呢10年嘅情谊
2023-02-06 11:42 
由张婉婷执导的纪录片《给十九岁的我》因片中其中多名主角向杂志以万字文大控诉，指校方及导演张婉婷未有理会学生反对，坚决让电影公映，引起网民热烈讨论，而疑「被上镜」的本港单车运动员李慧诗亦公开表示对电影制作、拍摄以至导演张婉婷处理手法不满，事件风波不断，张婉婷昨日宣布电影今天（6日）开始暂停上映，直至厘清所有法律问题后，再作下一步安排，今早她接受商台节目《在睛朗的一天出发》电话访问，对于今次未得到6位
同学的一致同意而公开放映，她说：「所有嘢都系要法、理、情呢三方面，法律方面，我都唔想讲，系唔可以用法律嚟隔啲女仔，所以我觉得学校其实都有做，理同情，我谂我哋喺情嗰边做得唔足够，所以令到女仔咁困扰，喺呢方面我系要道歉。」
【张婉婷《给十九岁的我》分享会】：
张婉婷亦坦言对事件的演变感到有点愕然：「我哋识咗10年，以为系好friend，除咗喺学校拍摄之外，仲有拍其他短片，又或者去佢哋啲工作，好似接广告，我都会帮佢哋睇，又或者想租啲地方搞联校活动，我都会帮佢哋搵啲免费场地，我喺情方面，以为呢个系喺咁多年入面，系有一个联系喺度，但显然应该要做多啲。」主持问到这些部份有否包括阿聆在内？张婉婷表示有，其后再问何时得知对方一直不希望公开放映一事？张婉婷则说：「我之前都有同啲女仔讲过会公开放映，所有当事人都在场，只系有一个女仔走咗话想拍，其实系可以随意走，人系比电影重要，任何女仔系可以随时离开唔拍，喺佢哋F5、F6嘅时候，我同佢哋讲话有发行公司对呢部戏好有兴趣，继续留喺度嗰啲，我理解为系接受咗发行呢一件事。」
阿聆曾经在访问上提过，以为公开只是DVD，以及校内筹款，未有想过是公开放映，张婉婷亦说：「或者系有呢个误解，我话系喺戏院做，佢哋好高兴，咁系戏院做即系公开放映，我系电影界系会理解，但佢哋系学生，可能唔理解。」主持再问期间阿聆有否强烈表达不希望公开放映？张婉婷则说：「之后就有喇！我哋剪好晒，喺校内一个筹款活动度播，阿聆就话佢唔想呢套戏公开放映，我哋研究咗都一段时间，由校内放映到电影节，差唔多有8个月喺度研讨，点样处理呢套戏，嗰阵时佢都可以包场或者做电影节，公开放映系有保留，总之系唔想有咁多观众，不过我真系唔系好理解，包场同电影节都有好多观众，所以而家知道佢有呢个谂法，慢慢同佢倾，我希望大家唔好炮佢，佢应该唔习惯面对传媒。」
后来，主持表示希望了解事件，阿聆由始至终都未有签同意书，但为何仍会公开放映？张婉婷则说：「学校一直都尊重佢嘅意愿，一直都包场，嗰阵观众对电影同角色反应好好，得片中啲女仔好勇敢同可爱，觉得公映唔会有负面影响，所以喺今年2月决定公映。」张婉婷又指，参演学生于2011年曾签署公映同意书内，已经连同会有放映活动：「阿聆嘅家人都话畀我哋知似平复咗，而且佢嘅家人亦有到场观影，大家都认为阿聆已解开心结，于是喺阿聆无签署第二份同意书下决定公映，我哋唔知道原来佢有咁多问题喺度，我作为导演，觉得外间对佢哋所有评论都系正面，完全冇负面，系安心嘅，就算签咗乜嘢，我哋都唔会用法律加诸喺佢哋身上。」
张婉婷亦坦承如果她真的系不愿意公映，电影将不再上映：「我想向佢表达，我对佢嘅困扰真系唔好意思，系我对佢唔住，希望佢仲记得我哋呢10年嘅情谊，你开心返啲啦，我哋而家唔做喇！」她又指呼吁大家不要骚扰她，她不习惯面对这类事情。
另一方面，对于李慧诗对「成为电影一部份」不知情及感到不满，张婉婷亦指打算向她道歉，原来她都是不知情，她指当日是单车队的荣誉董事负责安排采访，「有同佢讲我哋系一个学校纪录片嚟嘅，因为唔系好知点样同青少年解，比赛定系读书呢个二选一嘅难题，所以李慧诗能够谈谈其经历，藉以作鼓励。」但她承认，李慧诗倘在不知情下成为电影一部份，相信对方会感到错愕：「如果李慧诗唔知情，我都想打电话同佢道歉。」
至于受到外界攻击，张婉婷被问情绪有否受困扰，她只说：「我而家都唔讲呢啲，只系希望有份参与呢套戏嘅人，大家互相研究同帮助。」她又称自从男友罗启锐去世后，心中就像有个「黑洞」，「电影上画就好似俾咗个花园仔我，去灌溉，好忙咁样栽种，就可以避免成日跌入黑洞。而家花园仔就遇到飓风，而家就去咗黑森林自己摸索紧。」
【其他文章】：
孙慧雪陀B网民忧《爱．回家》会下车 编剧上身「派帽」畀欧瑞伟经手
给十九岁的我丨张婉婷曾称为拍摄百年母校重建 活现六位家境各异师妹10年来成长故事
林心如罕动怒发文！6岁女正面照流出引讨论 网民叹霍建华基因强大
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应