东张西望丨80岁婆婆被CEO细仔偷420万资产得返921蚊 上门对质新抱发烂渣掟烂咪
2023-02-03 22:30 
节目《东张西望》昨晚（2日）播出80岁翟婆婆被细仔盗走约192万资产，兼「被囚」老人院的个案。去年8月翟婆婆不幸跌伤入院，在婆婆出院时，细仔坚持将翟婆婆送入护老院，在护老院期间婆婆致电大仔求助，大仔欲接走翟婆婆被多翻阻挠。翟婆婆住护老院期间，细仔曾两度探望，第一次哭诉冇钱，更要求给予图章，第二次则表示家中混乱，当时婆婆问：「床下底啲金有冇攞到？」细仔返问：「吓，有金咩？」之后就冇再探望。婆婆随后联终大仔，大仔发现家中约177万现金及嫁值15万元的金器嫁妆不翼而飞，疑是细仔所为。
【点击睇翟婆婆被细仔偷钱】：
今日（3日）《东张》继续跟进个案，虽然翟婆婆的图章与存款仍在家中，但原来细仔另有所谋。大仔表示：「（细仔）拖就得一个目的，拖到11月23日，170万定期存款到期。（到期）前一个星期佢开始态度软化，唔再要求去老人院。」之后大仔学习洗肾照顾婆婆，大概11月22日，大仔接翟婆婆出老人院，而细仔之后亦未有再出现过。
翟婆婆的户口原来是与细仔联名，不过里面170万元定期存款、价值45万元股票及4.1万元的现金，共约220万的资产都是婆婆与丈夫的毕生积蓄。翟婆婆透露2014年开联名户口是细仔主意：「佢话我老，成日要入医院。」不过自婆婆入院后，原来细仔一直持有婆婆的身份证及八达通，不肯归还。到11月23日，大仔与翟婆婆一同到银行，希望取回170万元定期存款，不过大仔表示：「经理同我哋讲，你细佬已经喺9月转咗指示，11月23日到期后，会转入细佬个人户口。我阿妈好激动同佢讲：『嗰啲钱系我嘅！』个经理话：『冇办法㗎。』」户口最后更只剩921元，即是翟婆婆细仔不只将家中近200万元清空，连婆婆银行约220万资产亦全数清空。
翟婆婆重申：「佢一毫子都冇入银行，前面嗰部份系老公留低，后来我几千、几千咁储入去，都系大仔畀我，细仔都而家一毫子伙食都冇畀过我，剩系有两年过年畀过一次5千、3千，我都话生意唔好就算数啦。」更表示细仔甚少探望，只有自己会去细仔那边探孙仔，还会自己花钱买餸给细仔。婆婆患喉癌13年，还要每日洗肾，医疗费用庞大，现在都要由大仔一力承担。
翟婆婆细仔原来是初创公司CEO，从事制衣业，主要开发成衣品质检测的测量尺，还曾经拿奖。不过，翟婆婆指细仔物业已经进行两次抵押：「做生意唔知争人咩钱。」大仔透露曾三度报警，当时细仔曾向警察直认是他将银行户口的钱转走，更直说：「系，啲钱唔系我，系我阿妈嘅。」不过之后警方指是犯法，细仔则反指是替翟婆婆保管。
《东张》主持李旻芳与翟婆婆及其大仔，到细仔位于大角咀私人屋苑寓所对质，家中工人开门让三人进入，当时细仔老婆正在洗澡，而片段中见到细仔寓所有按摩椅、兼有维港景致。等细仔老婆洗澡出来后，当婆婆提到钱即反应激烈，将《东张》团队赶出门口，更将两支咪掟出门口，两支咪亦被掟烂，现场一片混乱。细仔老婆大叫：「啲嘢我冇做过，你格硬诬蔑我，你自己话有1000万都得啦！」大仔反驳指：「有指有据，个户口过钱走。」之后细仔老婆继续发烂渣：「呢度唔系你屋企，唔系可畀你乱闯私人住宅！」之后想赶翟婆婆出门口，后来双方分别报警处理。不过翟婆婆能否成功追回金钱，则要留待明日《东张》分晓。
【其他阅读】：
网民执屋翻出周秀娜经典性感写真 遭劝唔好揼：消失的波儿好值钱
前J2女神梁凯晴被新任「港女」林映辉取代 网民分析其实TVB一早安排好
新四十二章｜史颖乔中大硕士毕业做埋剧集顾问 被裁空姐变《爱．回家》古典美人
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应