新四十二章｜甘草演员个个身怀绝技抢镜过主角莫伟文揸车劲过藤原拓海

2023-02-03 15:00

TVB新剧《新四十二章》剧情够癫令不少观众大力赞好，更有人笑称癫狂程度直逼其前作《夸世代》：「够 cult，估唔到下一节会发生乜事，有惊喜！」而原来剧中疯癫的事情不只发生在一众主角身上，连他们身旁的一班绿叶演员都个个有特色！是次《新四十二章》的「绿叶」兵团确是阵容鼎盛、戏味逼人，单是「炒股 12 成员」的翰叔（陈勉良）、柯太（马海伦）、Vivian（冯素波）、芳芳（潘芳芳）、Dee 姐（姚莹莹）、马陈竹珊（曾慧云）、娥姐（苏丽明）、大仔（邵卓尧）、红姨（区霭玲）、都叔（郑家生）、肥叔（莫伟文）、岗叔（李岗）；饰演租客的「丧超」游茛维（一蚊 Joe）、「胜基」谭永浩、「小琳」叶凯茵；无论是「有口难言」的翰叔、负责传声的芳芳、「斗嘴火爆夫妇」娥姐及大仔、深藏不露的柯太，揸快车唔会倒泻奶茶的肥叔、还是爱向一算（郑子诚饰）撒娇的小琳，位位性格鲜明又有一定场口予以发挥，足证监制对绿叶之重视。就连首度饰演黑帮阿姐的李漫芬，亦获网民大赞有进步，兼 Part 住一蚊 Joe 够搞笑：「天姐都好搞笑」、「天姐很直接爽快」、「李漫芬呢位江湖大姐做得好。」

【点击睇一班甘草演员有咩能力】：

「有口难言」翰叔（陈勉良）同「传声筒」芳芳（潘芳芳）成日 Part 住上。

晚翰叔啃亲一幕既疯狂又搞笑。

呢位极速的士司机肥叔（莫伟文）嘅「奶茶不泻」绝技，令网民叹为观止，仲大赞十二成员个个身怀绝技。

劲过《头文字D》藤原拓海。

斗气夫妻娥姐（苏丽明）同大仔（邵卓尧）都好抢。

区霭玲原来系文雀。

饰演小琳嘅叶凯茵好娇俏。

「柯太」马海伦，佢系周嘉洛角色嘅妈咪。

区霭玲（左）、马海伦

翰叔后面就系郑家生。

佢寻晚尝试帮啃亲嘅翰叔 chok 番粒提子出嚟。

冯素波饰演 Vivian。

「12 成员」个个身怀绝技，而且仲会齐齐帮江嘉敏角色完成任务。

李漫芬同一蚊 Joe 嘅合作劲有火花。

佢个样真系好有杀气。

江嘉敏今次个角色虽然声大大又粗粗鲁鲁咁，但网民都普遍受落，仲赞佢大有进步。

寻晚呢幕闪电令网民好兴奋，因为佢哋觉得会有大件事发生，仲一定系同另一个维度有关嘅！

江嘉敏另一个维度嘅身份已经呼之欲出。

陈豪原来系皇上。

易宇航呢位「唔识英文嘅鬼佬」成功入屋，网民大赞佢喜感十足，同埋对于佢另一维度身份系汤若望感到惊喜。

陈维冠向《鹿鼎记》致敬

谈到剧中「12 成员」，原来亦是监制陈维冠向《鹿鼎记》致敬部分，他说：「梁朝伟个角色当年身边好多奇人异士帮佢，所以我哋设计咗 12 成员去帮江嘉敏完成使命。佢哋每个人都有独特性格、背景同能力，好似郑家生本身好打得，又做过武师，所以我哋为佢设计咗一个好打得嘅角色，但要去到后面观众先会见到，佢依家成日喺马海伦身边都系另外有原因嘅。」Joe 又谓希望能将每位绿叶演员的优点及努力展现观众眼前：「公司依家有班好好嘅绿叶演员，我哋希望每套剧都可以有足够发挥嘅空间畀佢哋，等观众睇到佢哋嘅演技同记得佢哋。」

【其他文章】：

75岁叶丽仪激罕露面变银发族晒健康肤色大方分享移民近况预告今年返港开骚

薛芷伦靓样似芭比网民叹走火入魔曾否认整容解释属治癌后遗症

锺丽缇52岁冻龄美貌崩坏 P图拉长块脸变「白面阿凡达」

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ

關鍵字