读者重温偶遇发哥：最红时在中环帮收垃圾婆婆推车仔上斜路｜Juicy叮
2023-01-30 15:47 
一张发哥食面旧照，意外翻出陈年乐事。有网民早前在网上发现一帧旧照，相中有幸与周润发搭枱食面的女子心急发帖问意见——搭枱时该跟发哥说甚么？有关的报道刊出后，大批读者在《星岛头条》facebook专页留言，一人讲一个遇上发哥的瞬间，不少是三四十年前上世纪的蒙尘旧事，叫旁观的网民好萄葡。
其中一个感人故事提到发哥最红时，在中环拍戏打灯等埋位期间，主动帮收垃圾的婆婆推车仔上斜路。正如有留言的读者指「我冇听过人见发哥有负评」，读者提起发哥都是喜孜孜，有人更大赞「咁多年都系周街同人打招呼影相冇架子，发哥魅力系劲嘅」。
《星岛头条》读者一人一个遇上发哥的瞬间：
●「佢最红时，亲眼撞见佢拍戏打灯等埋位时，帮收垃圾婆婆推车仔上斜路。超级善心大好人」。网民并出动Google Map点明位置在中环摆花街，指「就系呢度，当年仲系一间7-11。发哥坐喺门口，见到婆婆大声问佢：『阿婆～咁夜未收工呀。使唔使帮你手呀？』跟住就帮佢推咗一段路」。
●「发哥去我朋友嗰度买一个耳筒海绵 ，佢自己揿钟入门 ，个个呆咗原来系发哥。因为冇货，过两日佢又系自己上嚟，今次我个friend预早通知我哋，个个排晒长龙同佢影相，佢好nice同我哋每个人都倾吓计，来者不拒。我朋友当然唔收佢钱，$10几蚊嘢 ，第二日佢竟然送个$1000嘅果篮俾我朋友上面写住生意兴隆，多谢你嘅礼物，各位同事工作顺利 ！你话有边个艺人做到 ？几十年一样咁好嘅人品！」。
●「行山遇到发哥时，与他自拍，发哥搭著我的膊头转了个圈，说这样才不会背光⋯⋯真系忘不了」。
●「so sweet，我睇返我同发哥张合照佢企到头贴头，真系都忘不了当刻的开心」。
●「我见过两次发哥，有一次在太子某餐厅遇见发哥，我第一句同发哥讲，hi好耐无见，发哥打招呼回应系呀好耐无见......当时为免打扰发哥无要求合照」。
●「30年前晚上旺角道，红灯停车，我驾车跟住一架三菱私家车，伸长颈欣赏前车嘅外型，点知司机转头同我打招呼，原来系发哥，开心得我」。
●「我都遇过发哥，喺银包攞张银纸畀佢签名，拎咗张100蚊出嚟，佢叫我收埋仲抢咗我银包拎张20蚊嚟签，发哥仲话钱唔系咁用」。
●「廿多年前，系上环巧遇周润发夫妇同台食面，佢哋应该系外地拍完戏，两个都晒黑咗；最记得佢食咗一啖咖哩牛腩就讲~『正呀』」。
●「我都遇过呢，佢食完面坐定定，我一入去就见到佢然系同佢say hello，佢同我hello返」。
●「记得多年前在伊利沙伯医院门口遇见发哥过马路，没有冲动与他合照（虽然他出名好人，有求必应）；但我亦深记周星驰某剧台词：敬佩人家是永记心坎中，不用言表」。
●「早前行山遇发哥，都只同佢打声招呼，冇上前强制合照，因为将心比己都唔想被人骚扰！」。
●「上个世纪喺太子见过佢，应该过去始创中心，嗰时重有金公主电影公司喺嗰边，我完全有种畀佢明星风芒震摄住，唔敢叫佢，唔敢打招呼……我估以后畀我再见到佢（可惜我冇行山），一定够胆请佢合照……」。
●「我之前系筲箕湾都见到发哥同一班行山友食粉面，劲贴地，但见佢地聚埋一齐就唔打搅人影相啦」。
●「我40年前也在太子某餐厅遇上发哥，很欢欣索得他签名，可惜当年未有手机可拍照。 发哥可否后补？」。
●「我之前在九龙塘某小学做小卖部时都会见到发哥。他很好人，每次见到都打招呼，有一次八号风球后，他还幇手搬被台风吹倒的树」。
●「我试过转弯撞到落人心口，想道歉望到系发哥我呆咗，发哥笑得好开心，我回想起都好开心！」。
●「我以前都试过系先达门口撞咗落发哥度，想道歉果阵望到系发哥，我呆咗唔识出声」。
●「03年见过发哥⋯⋯喺石硖尾窝仔街徙置区大厦外（当年仲未拆）同保安有讲有笑」。
●「喺大埔墟街市分别同佢影过两次相，佢亲手揸机，超级亲民超级友善」。
●「我在大年初二都在山顶遇见发哥，他并说：恭喜发财！」。
●「真系试过，九龙城豆腐店，发哥主动问：使唔使影相！」。
●「以前公司楼上系最佳拍档，见过佢同其他艺人出现」。
●「我见过发哥二次，唔知现在喺边再可以见到佢呢」。
●「最红时见过他，也无架子，还和我説笑」。
●「我喺大尾督见过，讲紧十几年前」。
●「以前成日系彩虹邨同佢搭枱饮茶」。
相关新闻：
食得面多遇发哥 有幸搭枱网民最想讲呢句......
帖文来源：星岛头条fb
同场加映：
撤销隔离令｜回望3年无硝烟之战 共同度过惶恐岁月
人类与病毒开打无硝烟之战，3年间，有过去的事，有逝去的人，有著你我难以言喻却共同度过的惶恐不安岁月。走出黑暗隧道前一刻喘息著回望那悲壮惨烈，以温暖真挚的目光挥别过去，愿来日依旧果敢前行。
口罩蒙著的背后，每一个人有每一个人与每一家人说不完的心事。紧张周旋的千个日与夜，忐忑间遗下一个个普通却又刻骨的名词与名字。
连地方名——竹篙湾、亚博提起也叫人心有馀悸 。当「430」不再是穿梭机时，卫生防护中心、张竹君，以至一众专家与前官员袁国勇、许树昌、梁卓伟、陈肇始......等，熟识的脸孔彷佛深深烙上防疫两字。
忘不了那时的无奈又无助，世界翻了天覆了地，内心的小世界也满目疮痍。一切，得从2019年底从头说起——
回顾疫情3年无硝烟之战：
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应