老公未交卡数租金仍代老板垫支出粮 人妻嬲爆欲离婚｜Juicy叮

公司有责任准时向员工出粮。不过，有人妻则在网上发文，大呻由于丈夫的公司经常迟出粮，而丈夫更在未支付卡数及未缴交屋租下私自向下属支付薪金，令她直言「嬲到想离婚」。

该名人妻早前向Facebook专页「办公室日报」投稿，提到自己原本与丈夫在同一间公司工作并因此认识对方，而她则在婚后辞职。她续指，公司老板经常迟出粮，「系次次都拖最少一个星期先出，最过份一次系廿几号先出粮，仲要欠供强积金」，并指「有同事曾经告发过老细唔供强积金，警告完，老细又交返，然后耐唔耐又迟供」，因此有不少同事已先后离职，而丈夫则继续留在公司工作。楼主引述丈夫指，「佢话自己年纪大好难转，边做边搵喎，呢句都讲咗3年喇」。

楼主分享及网民回应请点击组图浏览：

楼主指，丈夫的公司经常迟出粮，更欠供强积金。示意网图

她指，丈夫在未支付卡数及未缴交屋租下私自向下属支付薪金。示意网图

她大呻，「日日家嘈屋闭，我真系嬲到想离婚！」iStock图片

不少人批评楼主丈夫的行为。FB截图

有人直言「如果公司执笠，好大镬喎」。FB截图

有人指，「成件事得老婆一个系正常，其他人全部都好有问题罗」。FB截图

部分人则劝喻楼主离婚。FB截图

她续指，「佢唔走我都冇办法，但系最近竟然畀我知道佢代老细『埋单』，私底下走去出粮畀几个下属」，并指「呢单嘢系源于佢有卡数未找，银行寄咗封追数信过嚟先至发现」，并指自己随即「嬲到著晒火」。她指，原本以为丈夫是因为开支增加导致「冇钱交卡数」，或是老板拖粮的问题愈来愈严重，经过再三追问下，丈夫才坦承有下属称没钱交租，由于他担心对方会被迫迁，「跟住就私人拎咗笔钱出嚟畀人解燃眉之急，叫个下属出粮之后还畀佢」。她指，当相关消息传开后，另一名下属随即「有样学样」，并指「其实我老公有4个下属，当中3个都系咁样，得一个话唔使出住先，咁样会唔会太过份呀？」

楼主续指，该3名下属的薪金分别是25,000、27,500及31,000元，而丈夫的「代出粮」行为已持续半年，「即系每个月头自己未有粮出，已经要帮公司垫支83,500畀人」。她续指，「佢3个下属一出粮系有畀返佢，但系你帮公司出住粮先会唔会做多咗呀？」 她指，两人经常因为此事而吵架，「最把火系佢12月底竟然仲代公司出住双粮畀3个下属，即系83,500 x 2，16万7呀大佬！唔怪得会连万几蚊卡数都找唔到，搞到要收银行追数信啦，再问之下，发现我哋两公婆住紧嗰度都未交租。」楼主随即动用自己的金钱支付租金，并在联络业主后得知丈夫近半年经常迟交租金，令她直斥「你老细冇声誉，都唔好影响到自己冇声誉吖嘛」。

相关新闻：

Juicy叮｜中年失业男每日扮返工 寄履历无回音「仲以为电话坏咗」：https://bit.ly/3Wg90kL
Juicy叮｜中年女执公司弃置鞋样本被撞破 暖心老板一句话化解尴尬：https://bit.ly/3ZnLOnm
Juicy叮｜部门经理辞职后自愿减薪冀回巢 更向前老板提一自私要求：https://bit.ly/3CuHyZq
Juicy叮｜返工期间炒车需送院 上司一句话令打工仔嬲爆：https://bit.ly/3WWKHcM

楼主指，敬重丈夫有义气，「如果佢唔系我老公，我只系打份工而有个咁嘅上司，一定会觉得好好」，但认为归根究底是老板及公司有问题，「代出粮畀下属系治标唔治本」。她直言「帮公司出粮畀下属真系over咗喇，你话我呢个老婆谂法自私都好，超级英雄呀？每个人都有自己嘅难题同埋包袱㗎啦！你救得几多个先？你都自身难保喎！」她又指，自己亦有做兼职以帮补家计，亦未有再向丈夫收取家用，「亦唔系计较我要用自己钱交租同帮你找卡数，不过你英雄主义走去垫支畀下属，我呢个做老婆嘅咪又系牵连落去要一齐『埋单』」。她又大呻「日日家嘈屋闭，我真系嬲到想离婚！」

相关帖文随即引起热议，有网民直言「自己屋企未搞掂，租都未交，走去帮人！？下属迟早一日走你数。而且迟出粮仲唔告个老板！？义气当饭食！？」、「如果公司执笠，好大镬喎」、「成件事得老婆一个系正常，其他人全部都好有问题罗」、「大佬，大家都有头家，咪团结起嚟，搞个老细罗，做乜拖埋自己头家落去」、「唔好做呢啲懒好人啦，老细系唔会多谢你㗎」、「贴钱打工真心傻」等。

部分人则劝喻楼主离婚，并指「唔使谂，快离婚。有能力去帮人叫帮人，无能力去帮人叫不自量力、不负责任」、「自己都未搞掂，仲要有义气帮人，嫁咗呢啲冇本事但又要懒伟大义气行先的人，一定唔会有幸福的，如果冇仔女真系选择止蚀分开」等。

帖文来源：「办公室日报」

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ