林盛斌自爆拍摄中途辞演《少林足球》 原被星爷睇中做队长遴选内幕曝光

星爷周星驰在去年10月开设IG帐号后，不时与网民玩互动，踏入2023年的一刻，星爷晒出《食神》剧照并说：「新一年，有甚么愿望，通通讲出来！」结果吸引大批名人网民留言许愿，最难得是星爷统统亲回，可算是最好的新年礼物！当日阿Bob亦有留言：「我嘅愿望就系，你可以回覆我呢个留言！」结果当然得到星爷亲回：「马上！」事隔多日，Bob在社交平台撰长文忆往事，原来他在大学二年班时，参加了电影《少林足球》演员招募，当时被星爷拣中，去番禺拍戏个几星期；可惜中途出现人事变动而要重新拍摄，他为了学业而拒绝留低继续拍摄工作。

【点击睇Bob当年抉择】：

林盛斌是家中经济支柱，为家庭一向好博命。

林盛斌好为食！

林盛斌身形Keep住咁肥。

林盛斌身形Keep住咁肥。

林盛斌身形Keep住咁肥。

林盛斌屡因人为因素NG，被逼喝下多杯牛奶，网民睇见都话戥他辛苦。

林盛斌喝到第4杯已经想呕。

网民大赞林盛斌敬业。

阿Bob求姜大卫放过刘佩玥，网民洗版式大赞阿 Bob 好演技。

仲警告庞国栋唔好食言，网民都话佢型到爆。

Bob在社交平台撰长文忆往事，原来他在大学二年班时，参加了电影《少林足球》演员招募，当时被星爷拣中。

IG得到星爷亲回！

Bob表示当时在「唔怕羞」兼同学怂恿之下去参加《少林足球》的演员招募，他幸运地进入第三轮招募，在遴选上以特异功能被星爷赞有料到：「我将一啲烟灰放咗去吴君如只右手手背上面，然后我就发功，跟住啲烟灰最后去咗佢只左手手心嗰度，佢哋系咁笑，话我有啲料到。」

成功进入了第三轮后，Bob重演经典电影场面：「系『食神入面欧锦棠话佢究竟系神仙嘅化身，定系地狱嚟嘅使者，之后星爷打佢一巴』嗰一段，我做星爷，另一位做欧锦棠，佢就系最后电影入面嗰场大战嗰个好衰嘅球证。喺个节目入面，好好彩，我得到几高嘅分数，亦都系咁，我得到一个演出机会。然后有一日，剧组打电话嚟话畀我知真系要返内地，大约要拍两个礼拜左右，跟住我就向学校请假，一条友坐船去番禺！」

虽然Bob不懂功夫，但因为「把声够大」，所以被星爷安排饰演流氓队的队长。

当时他亦被安排「螳螂拳」同房：「即系周星驰问佢有冇一个几毫喺身嗰个呀，佢真系好爆㗎！有一晚我见到佢喺床上搵啲蒜头捽自己个嘴，我问佢做乜，佢话有啲皮肤敏感，个嘴好痕，咁样做可以杀菌...我忍唔住出去药房买咗支药膏畀佢，佢见到支药膏时，眼湿湿咁望住我！话好感动。」

星爷赞Bob有料到！

Bob又称试过食饭的时候，与星爷同台倾偈：「问我大学生活系点，屋企做啲咩嗰啲，跟住又听到佢同其他人讲嗰啲无聊鸠噏野，真系好听同好笑到爆！」

Bob本身都好搞笑！

网民留言。

网民留言。

不过Bob在番禺拍了个多星期后，收到一个坏消息：「拍摄去到一半，基于有啲幕前、幕后嘅人事变动，我哋拍过嘅嘢要重新嚟过，仲要改剧本、改桥。当时我好担心，唔知够唔够时间拍完佢，因为应承咗屋企人同学校要返去上堂。跟住当时执行监制定系制片...佢好好人话唔紧要，拍住先啦，尽量睇吓做到几多咪几多罗！但系我深知，如果继续参与，应该需要留好长时间，所以最后我同佢讲︰『好对唔住...唔好意思，我谂我真系要走嘞！』对方话畀啲时间佢同周生倾吓。」到第二日Bob收到回覆，星爷赞他过瘾，想他留下来，「但系如果真系要应付学业，佢都唔想影响到我，叫我自己决定！最后，我同各人包括周先生逐一道别之后就返咗香港，临走时剧组畀咗一封利是作为演出酬劳，而成件事亦告一段落。」

最后Bob反问自己：「过咗咁多年，有时都会心谂︰『如果当时继续留低，到底我嘅人生轨迹，会系点呢？』如果你系我，嗰一刻，你会点样选择？」

【其他文章】：

「亿万驸马」伍富桥与富贵老婆蜜月豪游 生活富泰IG狂晒幸福肥

23位明星被爆真面目！男歌手厕所现身吓到街坊窒尿 黑面锺嘉欣终获平反

胡定欣自揭与53岁郭可盈神秘关系：我细细个已经认识她！

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ