独家丨薛家燕三年冇见「A君」情侣变好朋友美国巡演曾见夏蕙姨代公告下月返港

2023-01-14 07:00

去年初玄学家李居明为薛家燕预测虎年运程时，向本报惊爆家燕姐跟收埋拍拖14年的男友「A君」关系亮起红灯，搞到家燕姐尴尬打圆场：「疫情关系，大家唔好行埋住！」随住本港与内地正式通关，家燕姐竟然冇打算北上会男友，她接受《头条日报》独家访问时，坦言已跟「A君」由情侣「降呢」成为好朋友。采访：方骞平摄影：罗安强

家燕姐现身工展会时笑得开怀，睇唔出情已变。

两年前去日本旅行时，男友视角下的家燕姐几可爱！

去年1月李居明踼爆家燕姐跟「A君」感情生变。

72岁的家燕姐好忙，去年12月中往美国三省巡演，返港翌日即现身工展会为代言厨具品牌做宣传，同场仲有司仪「大王」安德尊。会上家燕姐亲自做示范，又跟Fans玩有奖问答游戏，家燕姐全程展现亲切笑容。

忠粉见到家燕姐欢喜若狂，系咁送新年礼物。

由安德尊陪住家燕姐喺台上示范煎荷包蛋。

家燕姐好受广告商欢迎。

台上台下企满fans。

沿途有唔少观众跟她打招呼。

家燕姐再去摊位派礼物。

讲返美国巡演，家燕姐相当好运，由纽约往三藩市翌日，纽约机场即因大风雪封闭：「『二公主』沈芝华两姊妹及黄夏蕙长途跋涉嚟捧场，夏蕙姨仲送上银牌。」家燕姐又代夏蕙姨同香港fans讲：「今年佢会喺三藩市上头炷香，囡囡已帮佢订咗性感兔女贺年衫，下月中才返港。」至于洛杉矶站跟尹光一齐演出，好友陈曼娜、梅兰、林颖娴系席上客。

夏蕙姨今年会喺三藩市上头炷香。

70年代影星梅兰与家人去捧场。

家燕姐跟「七公主」二姐沈芝华感情要好，沈芝华和好妹妹结伴前往捧场。

有忠粉送上银纸牌。

移居美国多年嘅林颖娴，喺后台遇上由香港飞去美国睇骚的陈曼娜。

洛杉矶站跟尹光一齐演出，咁啱喺美国工干嘅大女珊珊及王梓轩都有现身。

家燕姐唔怕辛苦，反而好享受同世界各地嘅fans见面。

唔舍得想「A君」做主动

疫情3年多，中港两地受严格检疫限制，导致家燕姐跟上海营商的男友「A君」长期分隔两地，对于中港关已通，追问家燕姐会否急返内地跟男友重聚？她只发出如蚁咬的唔…呀…声，答不出话，停咗5秒再尴尬笑说：「哈…睇情况啦，疫情影响好大，大家3年冇见疏离咗，但都系好朋友关系，会互相支持，最近内地疫情紧张都会问候吓，佢都希望我保重…」

年前身在上海嘅男友贴心地速递口罩，家燕姐还拍片回应男友，隔空传情。

家燕姐坦言跟「A君」由情侣「降呢」变好朋友，咁难得搵到老伴，记者都戥佢可惜。当事人就话唔可惜，表示大家仲系好朋友，又留自己一条后路：「哈！唔知日后发展会点！睇疫情啦，希望冇事，睇吓佢点处理。」家燕姐讲讲吓又突然少女心，承认想对方做主动，因为今年schedule畀大女石佑珊填爆咗，除咗3月飞大马登台及返内地做嘢外；呢一年要去星马做10次牀褥广告宣传。至于「A君」会否愿意飞返嚟，喺佢身边做「阿四」箍煲？家燕姐却婉拒说：「唔得，唔可以嘅！」放低工作陪佢又唔锺意，家燕姐真系呢。