萧若元反击刘銮雄冇新闻价值 再爆料直指大刘助养贼王家人
2023-01-04 17:30 
富商「大刘」刘銮雄昨日召开历时1个半时时的记者会，回应最近的传闻，字字珠玑劲寸昔日旧爱吕丽君和李嘉欣，大刘在记者会中亦数度提到，现在开YouTube Channel的萧若元日前在片段中提及他，怒斥对方靠他呃like。萧若元昨晚即拍片反驳大刘，他在片段中开始已说：「俾人痛斥我都惯㗎啦，我成日都俾人闹，咁多haters系咪？但系俾咁有钱嘅人公开闹就少见啲嘅。」之后更直指大刘已经没有新闻价值。
【相关阅读】：刘銮雄记者会！大刘足本版全笔录 形容吕丽君、李嘉欣句句有骨
萧若元在片中继续他时事评论员惯常动作「读新闻」，他指大刘记者会不能够拍片，记者电话被公关收走：「（记者）都系记得几多讲，唔准录音。」不过事实大刘记者会只是禁止拍摄影片，准许录音，事后公关亦有向传媒发放记者会录音声带。萧若元续提到大刘在记招中斥萧若元造谣他患躁狂症，并指只和萧若元见过一次面。萧若元反驳指：「我识佢系86、87年，可能佢贵人事忙，完全唔记得晒。有一次我同佢同时睇住香港政府救市，用1000亿，另外仲有几次次睇住政府沽空救市，顶住啲大䲔，系大家坐喺度一齐睇。」
讲躁狂症笠头盔
大刘在记者澄清自己并无躁狂症，萧若元笠头盔说：「我要声明先，我所谓佢有躁狂症，系layman（门外汉）讲嘅嘢，即系唔系专业人士讲嘅。我所谓嘅『躁狂症』，系好多时会发发脾气，脾气好猛烈，去到不能自控，发得比较多。躁狂症系一个情绪病，系咪病都好难define（界定），但如果医生话佢冇，我愿意澄清呢样嘢。」大刘在记者会上反指自己可能有创伤后遗症，不过萧若元却指：「创伤后遗症就系会引起躁狂症，两样嘢系冇咩分别，躁狂系一种表达方式。」
大刘在记者会指谅解萧若元，不会状告对方直说：「佢搵到食使乜咁吖，如果有日我要喺平台呃like，就大X镬。」萧若元即展示自己的YouTube数据声称：「我讲刘銮雄嘅片排第20，得18万4，我唔需要搵佢呃like，肥妈都25万，所以我讲佢唔会令我view数增加，一般嚟讲刘銮雄已经冇新闻价值，因为佢退出江湖咁耐。香港新闻嘈得咁犀利嘅嘢，我作为一个时事评论员就有责任解释，讲呢个社会现象。」
「可以随时电邮指证」
萧若元续言：「我讲嘅嘢有两部份，A部份系facts（事实），B部份叫意见。Facts系可以查证嘅，如果我讲到任何人，包括大刘在内，可以随时电邮畀我指证，我一定更正。如果呢单嘢系严重错误，我会道歉，关于刘生嘅嘢亦都系一样。例如躁狂，系因为好多人话你经常发脾气，如果你有医生证明，叫医生写封信畀我，我咪道歉罗！好简单。」并指其他是意见：「意见就冇办法作客观评定，我话佢最爱李嘉欣，佢话『我都唔知自己最爱边个』，系啊，你可以唔知㗎，但呢个系旁人睇，呢个系外人嘅感觉。」
萧若元提到大刘指会打击他的平台，他澄清说：「每次讲刘生都系佢整镬大新闻，我唔会主观地讲刘銮雄，同我讲李嘉诚、何鸿燊唔同，佢哋我列咗入商界十大枭雄，刘生唔喺入面，佢嘅事业冇达到呢个境界，睇唔到你生意上有乜杰出表现。」提到大刘在记者会中表示不会状告萧若元，或找朋友到台湾拜会他，萧若元指对方有三重解释：「A解释，你真系唔会咁做；B解释，如果我再讲你就会咁做；C解释，你话你唔会咁做，如果真系有人拜访我，就唔会入你数。大家觉得系乜嘢？佢嗰两件事件入面，我系所有人入面讲嘢最公正，冇任何仇富思想，都冇牵涉佢其他嘢，佢嗰啲女明星嘅嘢，我一句都冇提过。」
「有钱人冇社会地位」
「最后一点声明，佢私人嘅事我唔会讲，如果佢惹咗好大嘅新闻出嚟我就有责任讲，但系我2月1日之后出品就会少好多。」萧若元最后再度重申评论大刘的事不会带契他：「佢比肥妈都争好远，大家睇见成个12月，佢重要性只系排20。我第一条片百几万，许志安嗰啲70、80万，许志安嘅新闻性远在刘生之上，你唔好以为有钱人大晒，喺历史上有钱人冇乜社会地位，边个记得70年前香港最有钱系边个，你周街问人冇人识㗎喎！你觉得自己重要，就系overrated（高估了）自己。李嘉诚都冇乜地位，何况系你？」
大刘在记者会上表示有「助养」旧爱，萧若元表示高度赞扬，却同时爆料：「佢仲有助养叶继欢家人，佢非常同情叶继欢。」而翻查资料显示，有香港贼王之称的叶继欢原来曾为大刘打工，于70年代在大刘的风扇厂摩打部负责「绕电线」工作。而在叶继欢离职之后，大刘曾承认其名下慈善基金曾资助叶继欢在广州的妻女。
【其他阅读】：
46岁陈少霞激罕登陆综重演《鹿鼎记》双儿 嫁富商添女儿冻龄零瑕疵近况曝光
周汶锜两位混血囝囝愈大愈似样劲靓仔 顶「头盔头」狂揈变摇滚巨星High爆
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应