刘銮雄记者会！大刘亲解与吕丽君见面：有啲人天生性格到死嗰日都唔会改
2023-01-03 14:27 
大刘刘銮雄今日现身为早前被影到与前女友吕丽君（现名吕姵霖）惊现铜锣湾皇室堡行街，被揣测二人是否旧情复炽而举行记者会，在会上刘精神不错，全程说话十分有中气，期间更六度企起身，而他更手拎一张相关报导的纸本，大刘首先解析了皇室堡事件与男子争执，他表示：「公司处理得唔好，我冇位过，担心有碰撞及绊倒，加上当时见大部分人冇戴口罩，若果我万一中招系『九死一生』，又担心被认人出便嗌强奸非礼。」
【相关文章】：
刘銮雄与吕丽君合体行街惹复合传闻 大刘发声明列6点澄清：吕小姐有困难
【点击睇大刘记者会现场情况】：
萧若元在网上讨论事件，大刘留意到被指有「狂躁症」：「萧若元话吕丽君指使呢个男人，我觉得绝对唔系。我冇狂躁症，我系有创伤后遗症，点解有创伤后遗症？因为日日都有人嚟打我主意，好多人打我主意，一个月十几个，多则有2、30个诈骗、敲诈！我讲出嚟唔系想人同情我，如果个个人会死，我自己都系高危人士，换咗肾，亦食抗排斥药，身体抵抗力受抑制，自己打了五针，但医生话我只有3、4成抗体，我唔系怕死，因为我小朋友4岁、10岁、14岁，我想多几年睇佢哋成长，有啲人仲话我有洁癖，呢啲系废话。」
事件焦点的吕丽君亦多次被问及，大刘称：「最唔想畀人见到我同吕丽君一齐，有个师奶影我相，我冇嬲佢，佢嘅层次系咁，但佢用相机影到吕丽君我就嬲！唔想人误会以为复合，结果隔两日就有网上打手写『边个大获全胜搬返屋企』，呢啲系网上造谣！」期间现场律师再读一次大刘早前发出的声明，大刘表示：「财产处理上面系陈凯韵与家人，意指除咗陈凯韵与三个细路，仲有我嘅家人，可能包括吕小姐仔女，可能包括前妻宝咏琴嘅仔女，费事畀人话身家系陈凯韵掠晒，绝对冇咁嘅事。」大刘更回应早年新闻说：「有单嘢写同陈凯韵，系报恩佢阿妈畀咗个肾我，换肾都搵个后生啲，唔会拣60岁嘅老肾。」
再次提及吕丽君，大刘说道：「今次帮吕小姐，若唔系考虑到两个仔女一个12、一个20岁，我决定帮或者唔帮，平时决定系0.1秒，今次做决定谂咗两分钟，系唔想有难堪的事出现影响细路，为佢仔女保留一点尊严，考虑到仔女和保护自己、陈凯韵和3个仔女同埋其他仔女，所以要预防，好似李家超所讲，害人之心不可有，防人之心不可无，希望记招之后有人收敛啲！好SAD，有啲天生性格到死果日都唔会改，唯有黯然接受。」期间有记者问到吕丽君有何困难？大刘拒绝透露：「我真系唔想讲，我做人做事是今日留一线、他日好相见，唔会赶尽杀绝，对任何人都系，唔止吕丽君。有留意财经金融地产的人好快会知，我就唔方便讲，如果唔系为咗仔女，我极度唔想帮。」而据财经界消息指，吕丽君因投资失利而损失惨淡。
【其他阅读】：
庄思明元旦赴赤柱监狱探在囚杨明 IG蒲头贴相迎新年：全新开始
52岁锺丽缇萤光粉少女造型遭劣评 微Deep V迎2023网民赞风格切合年龄
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应