48岁向海岚（Anne）早前入股保健产品牌，除了「升呢」做老板娘之外，冻龄有术的她更加兼任品牌星级代言人，日前她更以一袭低胸长裙为产品拍摄广告，期间更度身订造多个拗腰、曲腿等高难度「甫士」，务求展现「不一样」的性感优雅。
今次广告拍摄，Anne既出钱又出力，她说：「摆咗好多心机喺今次拍摄中，由度桥、造型、硬照设计，到甫士上都有一齐参与研究，想出嚟效果同其他品牌『不一样』，亦希望见到一个『不一样』的向海岚，然后就记得产品。」拍摄期间，Anne摆出多个优美的高难度「甫士」，就连Anne亦笑指这些「甫士」跟人体工学相反：「好多人唔知，影相啲甫士唔系正常人可以摆到，可能脚喺呢边，个身喺嗰边，同人体工学系相反，但最紧要出嚟效果靓，拍摄之前，我用咗两星期练习摆甫士，所以先做到咁多高难度动作。」
【点击睇向海岚素颜靓相】：
广告中，Anne尽显性感高贵，为以最佳状态示人，Anne花了三星期Keep Fit，她谓：「之前过咗自己生日月，再加上有好朋友外国返嚟，差不多连续两个月不停咁食，短短时间重咗8磅，为咗今日拍摄，事前努力Keep咗三星期，食少啲嘢、勤做运动，因为知道今次拍摄会见到手臂、心口。」Keep Fit过程中有否遇上难困？Anne笑言幸好自己有个「优势」，能够「一白遮三丑」，她表示：「平时觉得自己系呃到人，对我嚟讲个个部位都好难Keep，特别手臂、肚、腰等，但知道自己优势系对脚见得人，每次只要着短裤或短裙，大家都会觉得我好瘦，所以就算肥咗好多，可能大家未必睇到，但我自己会知。」
提到「升呢」做老板娘，Anne直言不时要计成本及效益，坦言有压力。问到她可有将产品介绍身边人？Anne不讳言：「经常都介绍畀朋友，自己对产品好有信心，好嘢系要同大家分享，产品得到加拿大认证先可以喺当地发售，其实巿面上有好多保健品，但要食落肚，一定要小心选择，适合自己同埋要有信心保证。」
【其他文章】：
54岁李婉华大头自拍眼纹大爆发皮肤Dry爆 网民吓亲惊呼似巫婆
杨洛婷妈妈罕有曝光索爆！黑色泳装腰间「开窿」花式性感晒fit爆身材媲美少女
梁靖琪为大仔搞生日P晒超豪独立屋 屋内设长梯巨厅设中庭花园大到可廿人聚会
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应