独家丨陈炜开到口想攞视后同天上父亲分享医生老公力撑拉埋病人投票

2022-12-29 07:00

陈炜(炜哥) 凭TVB重头剧《回归》邓丽娟一角杀入《万千星辉颁奖典礼2022》「最佳女主角」最后十强，以「亲生女」姿态成为视后大热，跟「影后」鲍起静及好戏之人江美仪拗手瓜。强敌当前，炜哥未惊过，自爆有好老公帮拖，搵埋诊所姑娘及相熟病人疯狂投票，实行撑硬老婆，后援会温馨又强大，炜哥未企上颁奖台已甜到入心。采访：方骞平摄影：谭志光发型：Chris Cheng @ ILCOLPO 服装提供：MARELLA 场地提供：Amelia Hong Kong@Harbour City

炜哥开到口好想攞视后，希望有实际嘅奖项。

入行25周年的炜哥今年经历了大起大跌的一年。

她认为《回归》入面邓丽娟个角色令人好感动。

炜哥唔会分析视后走势。

炜哥自言已尽力做宣传拉票，希望唤醒观众的记忆。

入行25周年的炜哥经历了大起大跌的一年，第6度争视后的她，除攞埋TVB 10年「老人牌」，更觅得如意郎君陈国强医生，唯一美中不足是婚礼前夕爸爸离世，令她添上伤感。

炜哥拍《回归》期间丁父忧，她希望得到视后，跟天上爸爸分享成果。

炜哥老公陈医生系佢忠粉，不断帮老婆拉票。

家有白事坚持开工

炜哥坦言都想在入行25周年的特别日子得到肯定，「《回归》入面邓丽娟个角色令人好感动，都有好多人谈论，只系时间性上较输蚀，始终都系7月播出嘅剧集。」问到「亲生女」身份争视后系咪有优势？炜哥笑说：「如果系咁分都可以咁讲嘅，我效力TVB 10年，累积咗唔少观众支持，希望可以加分啦。」她又乘机为自己拉票，专业精神值得加分：「最难忘拍《回归》期间爸爸病逝，但唔想影响大队拍摄进度，要收拾心情开工，好彩一班演员都体谅我心情低落，会畀空间我。」

郭晋安及陈炜主演的TVB重头剧《回归》，7月播出时叫好叫座。

最难忘拍《回归》期间爸爸病逝。

炜哥家有白事仍坚持开工。

鲍姐演技属世界级

叫炜哥分析视后走势？炜哥笑说：「鲍姐属世界级演技，佢唔使奖个个都赞好…而美仪都好劲，我分析唔到呀，始终我哋由亚视出身，都系有经验演员，今次我哋3人演嘅戏种同角色都有好大分别，好睇大家口味，所以都系交畀观众决定。」她自言已尽力做宣传拉票，希望唤醒观众的记忆，既然做好本份就唔好谂咁多，但信心依然会有。

49岁的炜哥，身材可以力敌后生女。

做「影后」都不错。

炜哥喺泰国补渡蜜月期间，不忘着泳装拉票。

江美仪及鲍起静喺热播剧《下流上车族》中大比拼，两人演技不分高下。

炜哥及江美仪两个「亚视帮」夹击TVB「姐仔」陈滢及刘佩玥。

承诺唔会「上岸」

炜哥坦言自己最输蚀在港亲友唔多，好彩有Fans撑住：「老公都好好呀，佢自动自觉叫晒啲姑娘及相熟病人投我票，系咁帮我拉票。」她又指老公系佢忠粉：「佢好锺意睇我啲戏，仲会不时话『老婆最好，冇得输！』咁佢都算ok旺我嘅，我哋互旺啦。(咁咪够晒喇！)未够喎，我希望有实际嘅奖项，唔会辜负Fans期望，做人有要求先会有进步，有奖会更加落力。」炜哥形容呢10年发生咗好多事情，成个人都唔同咗，希望能有个圆满结局。「升呢」医生太太嘅炜哥仲承诺唔会「上岸」，未来她只会更进一步，喺演技上升华到另一层次。