Juicy叮｜不忿日本限制中港澳航班用4机场 港妈：去旅行系送钱畀佢哋

日本宣布，由周五（30日）起，来往内地、香港和澳门的航班，只可使用东京成田、羽田、大阪关西和名古屋中部机场。其后，大批计划前往日本旅行的港人大受影响，并在网上大吐苦水。有港妈则批评日本「玩针对」，并直言「去旅行都系送钱畀佢哋，依家搞到送钱都好似乞求人哋要咁？」

日本一直深受港人欢迎，而不少人亦计划在新年假期前后到当地旅行。自日本公布相关消息，不少计划前往日本旅行并已购买机票的市民纷纷在网上大吐苦水。当中，有港妈在亲子王国讨论区以「未买保险，飞北海道，下个月」为题发文，询问其他网民「依家买边间好？」她又指，目前仍未收到航直公司的通知。

请点击组图浏览：

日本宣布，来往内地、香港和澳门的航班，只可使用4个机场。示意网图

不少计划前往日本旅行并已购买机票的市民大吐苦水。示意网图

有港妈留言批评日本「玩针对」。网页截图

有人批评日本「咁大支嘢」。网页截图

有人直言「都唔明点解送钱仲要受气」。网页截图

有网民就旅游保险问题回覆指，「买机票就要买啦，我谂依家买无得赔，要想办法转机」、「习惯上一买完机票就买旅游保险，对自己保障最大」、「其实买咗保险又点？航空公司取消航班，一定refund畀你，或者再好啲，佢可能帮你免费安排转机。买咗保险都唔包你因被航空公司取消后你再买新机票钱，除非你已经在旅行中，回程取消了，你再买，就可能会赔返差价畀你」等。有人则分享指，「我买左1/2北海道机票，睇到呢段新闻超失落，仲刚淘咗雪靴、雪裤、手套……一大堆嘢」等。

相关新闻：

日本限香港航班飞4机场 运输局对仓卒决定失望 促立即撤回：https://bit.ly/3vmR5Oo
Juicy叮｜日本限制中港澳航班仅用4机场 苦主大吐苦水呻「去个旅行都咁难」：https://bit.ly/3YLfjiC
日本入境｜12.30起港人只可经4机场赴日 多间航空取消北海道冲绳直航 旅客需转机：https://bit.ly/3jzg4LJ

另有港妈留言批评，「日本真系精神分裂！早几日日本首相先要求中国放宽防疫政策，依家放宽喇，佢又玩针对！成个国家都癫癫地！老实讲，去旅行都系送钱畀佢哋，依家搞到送钱都好似乞求人哋要咁？好心就咪鬼理佢地小日本啦，唔信佢哋可以封一世中国！到时到中国再封佢哋关，小日本咪再呱呱叫呀！」、「系罗不如唔好批畀人入，咁大支嘢」、「我都系咁话，懒巴闭，又唔见佢敢对美国人。日本自己一日都十几万人中啦！都唔明点解送钱仲要受气」、「将啲人堆埋几个机场入境，又多人又等得耐搞到更容易中招，实大排长龙」等。

另有网民在同一讨论区的其他相关帖文中留言指，「香港人所谓嘅乡下都咁无情」、「今次真系玩嘢，我估连airlines 都不满」、「但愿唔好再有变挂，已经影响好多人」、「咁突然估唔到政策返转头，真系玩嘢」等。

帖文来源：亲子王国

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ