独家丨 蒋怡《法证Ｖ》做Big Boss老公睇到心寒 却激赞：眼神会杀人

蒋怡（Coco）喺啱啱播完嘅TVB剧集《法证先锋Ｖ》中原来系幕后Big boss，对于首次挑战大奸角，Coco唔觉得太难演，更自爆珠宝设计师老公翁狄森对她演技赞不绝口：「佢话我好适合做奸角及杀手，赞我终于做到一个啱你嘅角色喇！仲话我会用眼神杀人，哈…」采访：方骞平 场地：中环镛记酒家

蒋怡拍《法证Ｖ》愈拍愈有戏瘾，但同时兼顾做个全职妈妈，真系有啲辛苦。

Coco喺《法证Ｖ》做Big Boss睇到老公心寒。

Coco首次挑战大奸角，自言唔觉得太难演。

蒋怡愈演愈有戏瘾。

剧中蒋怡饰演一位唔简单嘅咖啡店老板娘，藉住做催眠完成目的，最后同Bosco敌对。多年前Coco喺电影《新警察故事》中都试过奸奸地，但今次唔会奸到出面，因为所作所为系为咗信念，如同邪教教主，为信徒完成大事。

CoCo大赞黄宗泽会畀到戏对手，仲会帮对方谂埋点样可以突出到角色。

蒋怡大赞黄宗泽系好对手。

她自爆老公睇完非常欣赏：「佢一直觉得我好啱做奸角及杀手，话我如果唔笑，个样系好得人惊，好似好恶。以前我未拍戏时，佢成日想介绍啲导演我认识，话我会用眼神嚟杀人！哈…可能我成日都令佢心寒！而且用眼神杀咗佢无数次。」

剧中蒋怡饰演一位唔简单嘅咖啡店老板娘。

CoCo嘅眼神会杀人，真系睇见都心寒。

镜头前出现奸样。

蒋怡客串拍《法证Ｖ》都有好大发挥。

系屋企唯一奸角

现实中Coco系屋企嘅奸角：「喺教育小朋友方面，全屋人得我做坏人，我会Say No、惩罚佢哋(子女)…所以一定激气，我老公算好，佢会即时意识到我教紧小朋友，会懂得配合返，反而朋友投诉佢哋啲老公系猪队友。其实喺屋企做奸人比拍戏更难，有时唔系Say no就搞掂，唔同小朋友要用唔同方法对付，比如囝囝必须用既温柔又坚定语气。」她强调最讨厌宠坏小朋友，细路仔可以顽皮，但应该静及停嘅时候就要话得听，要有规矩。提到她上镜消瘦了，她解释疫情下苦了妈妈，因为要抱住当时只得1岁几嘅儿子，每天煮足3餐，又要陪囡囡上网课及教她做功课，加上当时学紧中厨及调酒，拍戏又冻又冇得瞓，嗰段时间相当吃力。

喺管教子女方面，老公翁狄森同CoCo理念一致，就系不能宠坏。

疫情下喺屋企凑住两子女，真系苦了妈妈。

蒋怡系幸福人妻及人母。

冇拍剧集10年，CoCo一口气拍咗《飞虎3壮志英雄》及《法证Ｖ》。

去年CoCo拍剧期间仲学埋中厨课程。

疫情下CoCo全日要留家照顾子女及老公，忙到成个人瘦晒。

蒋怡瘦咗竟然肥唔返。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ