独家丨郑俊弘跟何雁诗计划追多个B 演沉重戏远离囝囝怕受影响

2022-12-23 08:00

《法证先锋》系列已播到《法证V》，而郑俊弘（Fred）成为当中参与最多辑演员，亦是他感到最难演一次，幸好遇着首次合作、好识保护对手的黄宗泽。荣升爸爸半年的Fred，演沉重戏要远离囝囝Asher，以免被其高甜度笑容影响工作情绪，他又赞Asher超乖超好凑，已计划跟太太何雁诗追多个BB。采访：杜杜摄影：罗安强

39岁的Fred做了爸爸后感到责任大了，人亦变得成熟。

《法证V》中「湛霆」虽然承接上辑，但开朗却经历转变，走向自毁之路， Fred承认演时有难度，「去到结束自己生命感觉好deep，我都同监制倾要搵到个有力point先得，唔系说服唔到去做。」幸好遇着虽然初次合作，但拍摄时很照顾拍档的好对手黄宗泽，「有个好感动、好舒服嘅位，我要培养情绪代入角色，佢就叫大家『演员准备紧大家唔好嘈』，佢会保护我，好窝心。」

Fred在《法证V》中演的「湛霆」，是承接上辑的角色。

担心俾前世情人冧死

6月初尝当爸滋味的Fred，坦认爱锡囝囝程度已达痴恋，但太幸福亦不容易投入沉重情绪演戏，「要同自己分得好开，要好专注喺个角色嗰个环境度，如果再谂个仔就唔得。」由幻想到真正做爸爸，他认为开心指数不断飙升，「幻想做爸爸会有好多担忧，乜都要紧张佢、睇实佢，但系忽略咗个小生命系自己个仔嘅快乐，嗰个快乐系将之前想像中嘅担忧盖过晒，唔单止畀我同太太欢乐同开心，令全家人都好close，无论我妈咪、家姐、外父、外母都多咗聚埋一齐食饭同我阿仔玩。」

Fred赞Asher是个开心宝宝，一起身就笑，少喊少扭计。

Fred每日都会唱歌给Asher听，希望音乐可以伴随他成长。

Fred提到Asher就笑得劲冧，慈父样出晒嚟。

Fred感恩Asher的出现，令全个家庭都变得更亲密。

Fred和何雁诗虽然冇请工人，全程亲自凑B，但两人应付自如，加上有最强长辈作后盾，「我妈咪过亲嚟就话『我帮佢冲凉、喂奶、换衫』，大家抢住做。」所以问会否送礼答谢太太，他就搞笑话：「再生多个罗！哈哈！冇咩特别奖励，但我哋三个嘅关系愈嚟愈亲密，系家人嘅爱。」Fred承认同太太确有追多个BB计划，但要迟一步，仲话想追个前世情人，不过仍有顾虑，「想像到阿仔都锡到咁样喎，如果阿女我真系死得罗！」