Juicy叮｜与大15年「大叔」拍拖 港女：压力大惟现实层面帮助大

只要两个人是真心相爱，年龄并不是阻碍。有20岁的港女在网上发文，指男友比自己年长15年，并分享与「大叔」拍拖的感受。她认为与「大叔」拍拖的压力大，但指对方在现实层面可带来很大帮助。

该名港女日前在Dcard讨论区以「有冇人男朋友大自己好多」为题发文，提到「依家好兴大叔，估唔到自己都会成为一份子同咗个大叔一齐。」她指，自己今年20岁，而男友则为35岁，双方相差15年，并在工作场合相识。她指，与男友拍拖一年，「感受就系，真系冇人系完美，同大叔拍拖压力真系比较大啲。」她指，「啲大叔好贪心，一方面又锺意你小妹妹有年轻活力听听话话天真单纯嘅感觉，另一方面又要你好似成熟女人咁知性体贴明白事理」，认为他们甚为矛盾。

请点击组图浏览：

楼主指，自己今年20岁，而男友则为35岁，双方相差15年。《雏妓》剧照

有人指出，双方年龄相差大的问题。网页截图

有人则祝福他们幸福。网页截图

有人认为，楼主要分清楚「真系锺意佢，定纯粹你锺意佢识照顾你/佢嘅成熟」。网页截图

另有同样与「大叔」拍拖的网民分享感受。网页截图

她又指，与「大叔」拍拖比较孤独，「佢唔会好似后生仔咁成日同你痴埋一齐」，大部分时间亦是忙于工作，而且希望女朋友可以照顾自己。她亦提到，自己开始与「大叔」拍拖后成熟了不少，但是压力亦甚大，不可以任性，「大叔唔锺意你太烦，钟意你听话独立」。她又指，虽然「大叔」无法有太多时间可以陪伴自己，但在现实层面可带来很大帮助，亦可教授人生道理及日常生活的人际问题，并可帮助解决到经济问题，而且可以照顾女朋友。楼主续指，「不过大叔对女友要求高，压力大系真，要同大叔拍拖都真系唔系咁容易」。她随后又补充指，「我依家享受得大叔嘅成熟，就要预咗佢唔会陪我好耐。不过我觉得每一段感情都有考验，同龄人会有幼稚嘅问题，大叔个身体问题就系我地嘅考验。但系佢真系对我好好，虽然年龄差距唔会一齐得耐，但都叫做幸福过。」

相关帖文随即引起热议，有人指出「3字头就大叔，利串:廿尾」、「其实成熟呢样野只系阶段同经历嘅问题，身边男仔先20头，唔成熟好正常，但要知道嘅系，佢哋唔会永远都唔成熟。相对，大叔已经30几，成熟系个个年龄应有嘅表现，系一件普通不过嘅事，只系对啲20岁嘅靓妹嚟讲，就会觉得好特别。所以，我觉得你要分清楚你系真系锺意佢，定纯粹你锺意佢识照顾你/佢嘅成熟。」、「我29，最近遇到一个24岁嘅妹妹。5年我已经feel到好大压力，谂紧追唔追佢好，真系好佩服你哋，要幸福呀」等。

有人则指出，「其实过多几年，你就会发现有问题。当你25岁，佢已经40，体力、身体会追唔上你；到你30岁，身边嘅男性朋友开始成熟、有事业，你伴侣已经45岁，你要开始照顾佢健康；我当佢65岁退休，你50岁就要担起赚钱嘅责任」。

有同样与「大叔」拍拖的网民则指，「我嗰个都系3字头，自己21，但佢好痴我。我哋相处都系比较casual，唔会因为佢大我好多，就有架子/成日教我做嘢。佢都好细心，会记得我讲过嘅嘢。佢返工都有时间chat，所以都feel到陪嘅感觉」、「我啱啱大学毕业，男朋友大我十年。之前个男朋友同年，依家同完叔叔一齐之后，真系觉得叔叔好好。佢人生经验丰富，所以各方面都识take care我。而且我本身性格独立，所以佢陪唔到我或者唔过节我又无乜所谓，我会自己搵嘢做或者搵朋友陪。」

帖文来源：Dcard讨论区

《星岛头条》APP经已推出最新版本，请立即更新，浏览更精彩内容：https://bit.ly/3yLr