独家丨C AllStar曾单飞更珍惜同台演出　圣诞节开飘雪户外骚劲兴奋

2022-12-17 07:00

C AllStar继去年7月红馆演唱会后，今年圣诞节再次合体在西九文化区举行《Let It Snow》音乐会，对于首次搞户外骚四子表现得相信兴奋，更预告会跟观众一齐在飘雪中度过。曾经单飞发展的他们直言，有机会同台表现会更珍惜，亦都会更享受当中过程。采访：杜杜摄影：谭志光发型:Zanki Ng@BHC 化妆:Maggie Lee服装:Lanvin、COS、Lemaire、Nanushka、Acne Studios、Sweater McQ Alexander Mcqueen from The Outnet、Camper

C AllStar首次开户外骚，他们都相信气氛一定会非常好。

四子谓今次开骚，参与度比以往更多

演唱会见到雪，钊峰讲起仍有啲担心，「去到现阶段我哋四个只系知道系个概念嚟，系咪现场有呢？！哈哈！」King 就较老定，「听讲啲雪系好真，如果细心去睇唔系泡泡雪嗰啲，感觉同质地好好。」On仔最担心是受天气影响，「制作团队承诺我哋系做到全场落到雪，唔系只系台上有雪。」King搞笑话：「但要问吓诸葛亮嗰日吹啲咩风，哈哈！」

演唱会讲明会见到雪，连C AllStar本身都好期待。

On仔（陈健安）觉得今次演唱会最难是决定歌单，因他们都有太多歌想唱。

再约粉丝齐报佳音

圣诞节开骚另一个兴奋原因，就是四子可以再跟「C AllFans」（粉丝专属昵称）继续往年传统。On仔说：「通常之前呢啲日子，我哋会同啲C AllFans 报佳音，但因疫情三年都冇做到，之前佢哋要去霸尖东海傍做，今次我哋自己book咗场地，等咗三年大家终于可以一齐再报佳音。」之前四子去过新加坡参加沙滩举行的音乐节，有不少观众着得好性感，但今次圣诞开骚，他们只对观众有一个要求，钊峰说：「未必性感啲，我哋要求圣诞啲就得。」

C AllStar以往圣诞节，都会相约歌迷一齐报佳音。

讲到送圣诞礼物给歌迷，钊峰（梁钊峰）笑指可将四子包成礼物抛给观众。

休团单飞三年再合体开骚，钊峰认为会多了份珍惜，「当然C AllStar仲有机会开骚，但又唔知几时，所以会份外珍惜呢个moment，上年红馆开骚排练已经会去感受大家，因为好多嘢都唔系必然。」Jase都话记得当时钊锋有眼湿湿。而On仔觉得现在做骚会比之前更自在，「会多咗时间睇吓啲兄弟做啲咩，多咗欣赏佢哋嘅时间，多咗空间去玩，会自在咗唔使再死记一啲嘢，有啲歌已经好熟。」