冯允谦街头打波:毛巾笠住个头都出汗钊峰惊讶识用「笠住」

2022-08-15 00:30

众所周知，冯允谦系ABC，中文程度麻麻，广东话咁博大精深当然都唔系太熟，之前Jay Fung开Show请咗轩仔做嘉宾，后者要求前者：「封返封老毛畀我得啦！」Jay不明白，轩仔笑说：「即系利是，真系广东话黑洞！」之后Jay仲想讲笑话，但因为中文差俾轩仔笑，「你自己中文唔好，做乜搞呢啲gag呢？！」全场爆笑。

轩仔笑鬼Jay啲中文。

唔知系咪俾人笑得多，所以Jay Fung发愤图强努力学习广东话。寻日气温最高33度，乜都唔做斋行街已经成身汗，做埋运动应该会变水人。冯允谦(Jay)同钊峰无惧高温约埋喺街场打波，两位波友着晒背心，仲用毛巾包住个头，Jay出Po，「同阿BRO打街波～真系顶唔顺咁热嘅天气，连用毛巾笠住个头啲汗都继续流。」波友钊峰非常惊讶，留言问：「Wow~ is 笠住 a new vocabulary for you?」（笠住系你新学嘅生字？）波友Jay笑言：「hahaha I wasn\'t sure if that\'s how u write it lol 😅」（哈哈哈，我唔确定系咪好似你咁写），系咁写呀，你啱咗呀，加油呀Jay Fung。