「御用道友」陈勉良年初三中环街头做乞衣好不安 为四大才子纸扇捱两晚搵资料
2022-12-16 21:00 
今年72岁的陈勉良入行近50年，是无綫的甘草绿叶，多年来擅演小人物角色，由「御用道友」做到变「御用保安」，他也是知名国画画家，多次开个人画展外，还会为无綫剧替手作画。最近陈勉良接受「香港演艺人协会」访问，畅谈入行多年的经历。陈勉良在年少时曾做过话剧，20多岁时出去打工，后来与同学合作搞临时演员公司，之后辗转入行做演员，他坦言当时不想做：「嗰阵见到啲男演员『搽脂荡粉』，嗰阵唔识系需要化妆。」
【点击睇陈勉良访问细数往事】：
陈勉良入行多年，坛演小人物角色，不过原来也有过不快时刻，他说：「有一次个心有啲不安，年初三开工喺中环做乞衣，呢种情况对我哋比较传统嘅中国人嚟讲，年初三就去做乞衣，仲要喺正中环个斜路，人来人往，但系冇办法，呢个安排唔知有心定无意，系唯一最不安同最唔开心嘅一次经历。」至于其他角色，他坦言「冇乜所谓」。多年来陈勉良拍过不少古装、时装剧，身为国画大师的他也较爱看古装剧：「我自己锺意睇古装，时装不外乎男女成家，但好多争拗、磨擦，香港太多，我就唔系好锺意睇，但拍（时装）就好快，唔会好似古装咁，化妆着戏服都要一个钟。」
至于国画之路，原来陈勉良从小已有浓厚兴趣，会找画集临慕学习，后来才正式跟老师学画。不过他坦言难以靠画画维持生计：「就算可以生存都系勉强糊口，都要打工有啲入息。」当时他一边做木雕，一边做特约演员，同时教画：「就系咁生存咗几十年，嗰阵都捱得好辛苦，可能系疯投嘅兴趣，令到自己好投入。如果净系靠一份工作，生活比较拮据，唔好话买楼，住都已经去咗一大部份，都系半被迫情况下做。」
陈勉良为无綫做演员外，同时也有为无綫古装剧替手作画，对他来说是当年的《金装四大才子》和《凤舞香罗》：「《四大才子》有唐寅，即唐伯虎，画作我哋能够搵到好多资料，但系祝枝山资料比较少，佢主要系书法，又会唱戏，好少写画，我喺屋企搵咗几十本旧画嘅书，找咗两晚先搵到，仲系黑白唔系彩色。」当时他为四大才子画了四把扇，就是参考当时所找到的资料。
今年72岁的陈勉良透露暂时未有退休打算：「我唔想就咁退休，我退咗休仲可以画画，但系做演员方面，有啲动静或者每个角色有唔同情况，令自己思想唔会停落嚟，演绎嘅工作都有啲帮助。」如果人生能够重来，他亦会拣选继续做演员：「演戏令你唔会死守一个位置，但画画就一直坐喺度，成日喺度画，但做演员有啲新刺激，要你谂下个角色状况。」
【其他阅读】：
林作「新女」性感直播主上围逼爆 网民爆料系饭局女郎：想钓有钱佬埋单
43岁周励淇公开卸妆片素颜上阵 超高清下展现零瑕少女肌：懒人会好丑
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应