独家丨简慕华恨拍旅游节目任揭癫丧真面目 拍《百万》同陈俞希瞬间变好姊妹
2022-12-16 07:00 
ViuTV《百万同居计划》继「撮合」黄德斌同Jeffrey后，原来仲有pair密友诞生，就是饰演有反社会人格「霍姐」同Mean精下属「Fiona」的简慕华（Rachel）同陈俞希（Hailey），二人虽初次合作，但一挞即着好快变成好姊妹，除咗要求孖住接受访问，仲不停呼吁一众制作人继续搵她们合作，演戏做闺密都话唔够，更想孖住一齐拍旅游节目，Rachel仲完全唔介意公开私底下劲癫丧一面。采访：杜杜 摄影：谭志光 服装:HOWL STUDIO(Rachel)、Emma Wallace(Hailey)
46岁Rachel同34岁Hailey虽年龄相差12年，但完全冇隔膜，这次访问主动要求一齐做。原来Rachel第一次见Hailey已直觉做到朋友，「我第一次见佢，呢个人系可以倾到偈，同埋会好多嘢倾，一嚟佢已经畀到我咁嘅感觉，完全冇一姐喎，死啦，好惊呀！」两人首日开工就是拍办公室戏份，Rachel趁食晏主动同Hailey混熟，但Hailey以为Rachel似「霍姐」严肃唔敢坐隔篱，「冇同佢合作过，无嗱嗱好friend咁坐隔篱，佢唔锺意咪死，梗系唔好轻举妄动，摸熟啲佢性格先。」果然Rachel直觉冇错，两人一餐晏就做咗朋友。
Rachel癫到似反社会人格
Hailey识落Rachel亦对她完全改观，「佢同佢老公都系，若果唔笑都好似好严肃好cool嘅人，就好似『霍姐』咁嘅feel，但系同佢倾开偈后，其实佢同老公都系好casual。」Rachel都承认跟「霍姐」严肃一面好唔似，能挑战新类型角色都好开心，「有特别啲一面畀观众睇，又想睇吓自己做唔做到，都兴奋接呢个角色，但系又好惊成个戏都系咁，我系观众都惊啦，成日都唔讲嘢。」
Hailey话Rachel严肃完一cut机就变回活泼，所以Rachel都唔明点解反社会人格一段戏会咁大回响，「其实我平时都可以系咁，点解大家会咁大反应！？」Hailey就解释，「睇个角色都以为佢系做出嚟，但系佢本身性格系咁样啲人又唔知，啲人就觉得佢咁好搞笑，我哋知其实佢就系咁样。」Rachel承认演「霍姐」癫丧一面，更接近自己更好玩。
Rachel望拍旅游节目开多瓣
拍《百万》识到Rachel，Hailey觉得是最幸运，「呢样嘢都几难得，如果问我呢个剧有咩好大得着，其中一样系认识咗Rachel。」问到两人关系冇否黄德斌同Jeffrey咁痴缠？Hailey即搞笑话：「系呀！佢哋约去踩单车嘛，我哋都可以约啫！」记者报料黄德斌同Jeffrey仲一齐食糖水，与德斌认识多年的Rachel即呷晒醋话，以往只会一大班人去食糖水，「我哋食都唔系得两个罗！我哋嗰日咪话罗！点解净系你哋两个去，点解唔叫埋其他人一齐。」
其实Rachel同Hailey关系亦突飞猛进，除融入对方朋友圈，连普通合作拍剧演闺密都嫌唔够喉，Hailey提议索性攞Rachel第一次奉献给观众，一齐拍她最擅长的旅游节目，「佢自己生活嗰一面冇喺观众面前表露过，通常系扮演戏入面角色，冇人知道佢真实性格系咁样，咁好笑嘅，唔明点解冇人搵佢做啲癫癫丧丧嘅嘢。」不过Hailey担心Rachel入行多年未必放得开，「你畀人感觉好Elegant，好高贵，可能唔会好想畀人知你有乌龙一面。」不过Rachel完全唔介意，「咪开多一面，我可能多一条线发展㗎！」
Hailey帮「神徒」妈咪攞福利
除了Rachel剧中反社会人格唱K成热讨外，Hailey见到Anson Lo劲猴擒捉住手唔放一幕亦反应激烈，最初Hailey都担心有观众会呷醋，估唔到网友竟然关心「神徒」陈妈妈，「有啲网友留言『你系咪帮阿妈摸佢只手；帮阿妈摸多几吓；你阿妈一定羡慕死啦』。」Hailey事前冇向陈妈妈报告，惨被对方疯狂追问，但原来这个孝顺女做到嘢，「我已经叫佢（AL）录定我阿妈出年生日片段，𠵱家出咗街可能我阿妈就知，哈哈！上年佢都有录，我妈咪都好开心，见到佢喺度不如录定，心谂使唔使录定多几次，哈哈！」
单身多时的Hailey，讲到猴擒表现相当真实，她就澄清现实见到心仪对象绝对不敢主动出击，「唔得，我肴底㗎！试过之前拍旅游节目，喺摩洛哥隔篱枱有个男仔好靓仔，我即刻笠水，哈哈！节目效果我可以咁做，但真实系完全两极，我系鹌鹑嚟，得个讲字。」Rachel听到即主动话帮拖，仲打算拍旅游节目顺便帮好姊妹搵未来老公，「我一定帮佢密切留意，经过我嗰关就一定好嘅，希望佢会多啲艳遇，到时啲嘢等我帮佢表达。」
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应