世界杯2022｜专家分析:神奇球队出神奇小子
2022-12-14 08:00 
每届世界杯都会有神奇球队奇兵突出，今届就有杀到四强嘅摩洛哥。佢哋贯彻咗现代足球理念，以稳定后防取胜，除咗喺对加拿大嘅乌龙球以外，在法定时间内至今未失一球，而且不止于分组赛力压比利时及克罗地亚首名出綫，淘汰赛更先后将西班牙及葡萄牙踢出局，呢个四强席位含金量十足。而摩洛哥嘅出色表现，亦刷新咗非洲球队喺世界杯嘅最佳成绩。
佢哋防守力出众，后防路曼沙斯、阿舒拉夫及对西班牙勇救十二码嘅耶辛尼保奴外，中场奥拿希表现亦令人眼前一亮。效力法甲昂热嘅佢，喺中场表现八面玲珑，对西班牙嘅比赛，面对巴塞隆拿级数嘅三人中场组合亦不落下风，上仗对葡萄牙转身反击显示其灵活程度，当防守需要遮綫时，出现时机恰到好处，需要身体对抗时亦毫不锡身。
当然呢位二十二岁嘅年轻人不是全无缺点，例如在组织攻势嘅传球选择，或者引球出击时机都可以做得更好，但无可否认以佢嘅年纪来讲肯定不乏进步空间。嚟紧对法国嘅比赛，摩洛哥有好多主力受伤或停赛，呢位神奇小子嘅表现就更加关键，如果佢可以维持对西班牙及葡萄牙时嘅勇态，摩洛哥应可一拼。 -球乐
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应