Juicy叮|天生身形异于常人被叫怪物 港女倦极:好惊有一日撑唔住

2022-12-12 17:39

港女在出生时严重意外,导致手脚与身形与其他人不同,更被人称为「怪物」。iStock图片
港女在出生时严重意外,导致手脚与身形与其他人不同,更被人称为「怪物」。iStock图片

虽然经常说外貌不代表一切,但是当自己的外表与其他人不一样时,又是否有勇气承受别人的目光?有港女在网上发文指,自己在出生时严重意外,导致手脚与身形与其他人不同,并因此被小朋友称为「怪物」。她直言对现时的生活感到疲倦,并直言「我好惊有一日撑唔住」。

该名港女在Dcard讨论区以「如果你系我,你会唔会想跳?」为题发文,提到自己在出生时严重意外,导致手脚与身形与其他人不同,「只系得块面正常冇事」,在外出时更会被部分小朋友称为「怪物」。她指,在这20年以来每日亦乐观做人,「听到难听嘅说话当唱歌,尽量唔望人嘅目光」,并指从未责怪父母「点解要生成我咁嘅样」,「以为只要咁样生活落去,我唔会崩溃,可以平凡咁完结一世」。然而她指,随著人越大感觉越痛苦,不敢再外出与亲戚朋友见面,「尤其同我同辈嗰啲陆续出池(意指有拖拍)甚至结婚,我宁愿死都唔敢再见佢哋。」

她续指,「成日都会谂,系咪我冇事就会有人中意?系咪我冇事,日子就会轻松啲?」她指,已经很努力去爱自己,努力读书进修并学习更多事物,「但硬系觉得无论自己几努力,都唔够一个唔洗点努力嘅人好?」她又指,「呢啲日子已经过得好攰,企喺窗边就有跳落去嘅念头,揸住铰剪鎅刀又会想鎅手,我好惊有一日撑唔住,真系做咗呢啲事。」

不少网民留言鼓励楼主,并指「唔会跳,但因为我仲有生存嘅意志,好多美食都未食过,星未追完,动漫未追完,好多小说漫画未睇,未想拍拖住,觉得拍拖好麻烦,冇其他人锺意咁就由佢,反正有屋企人」、「每个人都有活着嘅价值,反而我系好敬佩一啲自强不息嘅人,即使外在环境客观条件有限制,但系佢哋人生都活得比其他人不一样」、「唔好同一般人去比,咁样对你好唔公平,即系唔会搵只猩猩同条鲨鱼比㗎嘛,佢哋笑只系代表佢哋嘅无知,你就更应该坚强落去咁证明畀人睇你系得嘅」、「加油,只要一日仲生存,一日都可以揾到人生意义,世上都有好多人仍然活系水深火热之中都继续努力」、「你好勇敢好叻,嗰啲笑你嘅人根本承受唔到呢啲痛苦」等。

帖文来源:Dcard讨论区

 

《星岛头条》APP经已推出最新版本,请立即更新,浏览更精彩内容:https://bit.ly/3yLr

關鍵字

最新回应

關鍵字
You are currently at: std.stheadline.com
Skip This Ads
close ad
close ad