世界杯2022｜专栏:世杯哪队超额完成？
2022-12-07 08:00 
经过精采紧凑嘅十六强比赛，世界杯开始进入白热化阶段。呢几日除咗球员要休息回气之外，都畀一路追波睇嘅球迷们放松下绷紧嘅神经。
如果回顾一下暂时咁多队嘅表现，最扣人心弦嘅队伍非日本队莫属。蓝武士喺分组赛先后击败德国同埋西班牙以首名身分出綫，而对住德国嘅奇迹入球更成为一时佳话，可惜最后对克罗地亚喺互射十二码后黯然出局。
另一队亚洲队伍南韩队同样表现出色，首场分组赛只能与乌拉圭握手言和，然后对加纳更以2:3见负，两战得一分。惟在绝望时，却于最后一场分组赛的补时阶段以2:1反胜葡萄牙普级，过程可谓惊险万分！虽然南韩队最终在十六强负于强队巴西行人止步，但表现确实已属超额完成。
而阿根廷先喺第一场分组赛就爆大冷输畀沙特阿拉伯，惨遭滑铁卢，喺对波兰最后一场分组赛更有美斯射失十二码，好在下半场凭阿历斯麦亚里士打及祖利安艾华利斯各入一球奠定晋级资格。
既然有球队交出令人喜出望外嘅表现，当然亦有演出令人失望嘅队伍，明日没有赛事，到时再同大家讲下笔者觉得不似预期部分。 - 球乐
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应