世界杯2022｜专栏:葡萄牙入球骚献「瑞」
2022-12-06 14:30 
最后两场十六强赛事，艾尔较留意葡萄牙对瑞士。葡军喺分组赛赢乌拉圭后，已经确立出线资格，面对极之密集嘅赛程，领队费兰度山度士决定对南韩一战作大幅轮换。除咗C朗拿度继续正选，五人中场有四位球员系后备兵。即使六十五分钟逐步出番常规正选球员，但全队进攻组织节奏好慢，完全感受唔到想赢嘅决心。所以，输畀南韩1:2?败绩绝对唔能够作准。
再睇法国最后一轮分组赛同样出尽副选，结果一球仅负突尼西亚，十六强一战出番基利安麦巴比、基奥特等球员，结果赢波兰3:1。可想而知，有啲强队喺分组赛最后一轮输波，只系「技术性调整」，确保球队唔好再有太多伤兵。般奴费南迪斯、拉菲尔古里路同鲁宾戴亚斯等上场只列后备嘅球员，今仗估计会落番场，同瑞士拼死一战。
瑞士上仗3:2反胜塞尔维亚，过程非常热血。不过，塞尔维亚上半场出力太多，下半场好多球员无晒电，后防更加「放题式」崩溃，令瑞士有极多突击机会。艾尔唔会因为呢场胜仗，就确定瑞士嘅入球攻力大幅改善。始终瑞士前线人脚实力一般，比列安保路、鲁宾华加斯等球员把握力非常飘忽。即使领队耶坚将球队防守改善，但火力唔强仍然系致命伤。今仗对攻力几强嘅葡萄牙，又会系另一重考验。
双方近五仗碰头，瑞士只系赢过一次，睇赛绩无得打。艾尔觉得葡军球员实力高过瑞士，但后防始终令人担心，尤其两闸球员攻强守弱，瑞士可能会靠突击攞到入球。今次艾尔推介全场入球大细「2.5」大，般奴费南迪斯「被罚黄牌」嘅首发事项亦可以考虑。 —艾尔
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应