黄嘉乐离巢丨亲回离开TVB原因：畀机会自己睇吓其他嘢
2022-12-03 14:35 
现年43岁的黄嘉乐（Stephen）昨晚（2日）宣布离巢TVB，黄嘉乐今日（3日）回覆《星岛头条》，他首先感谢公司和监制，畀机会他拍摄《法言人》：「经过二十年终于可以担正，喺自己成长嘅地方做到呢一次主角，真系好感恩，好感谢畀机会我嘅人。离开公司就当然好唔舍得啦，我真系喺呢度入行，喺呢度成长，好多感情。」
【相关阅读】：TVB「御用细佬」黄嘉乐宣布离巢 结束21年宾主关系
【点击睇黄嘉乐过往演出】：
谈到将来的发展，黄嘉乐说：「而家我过咗40岁，又成家立室咗，自己好想有啲改变，始终一直我哋喺公司嘅身份比较被动，而家可以试下唔同嘅嘢，咁多年除咗拍剧，好似冇畀机会自己睇吓其他嘢，睇下岀面发生紧乜嘢。而家我觉得系一个好好嘅契机，真系乜嘢都想试。」
至于有否与太太商量，黄嘉乐笑言当然有：「咁大件事当然有同太太商量吓啦，太太好支持我每一个决定，佢仲话：『最紧要我开心。』其实即使将来同TVB都可以用唔同方式合作，只系自己想睇下岀面有咩嘢可以尝试同挑战。」
入行21年的他，昨晚（2日）在社交平台发文感谢这些年陪伴他成长的一切，感恩所有遇上的人和事，而且全都是最好的收获：「跳岀舒适圈，寻找更多机遇，迎接未来更多挑战，期待一个全新的自己。#AbrandNewDay #感恩一切#人生有几多个十年」。
【其他阅读】：
张继聪5岁囡囡Kakaball颜值极速升级 脸尖尖扮老鼠仔登演唱会舞台
TVB绿叶离巢后愈来愈富贵？御用OL变年薪百万女强人 御用法官转行做保安
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应