王贤志自爆曾喜欢吴家乐 结婚六年谈出轨：大家同意就唔算

王贤志（Vinci）主持的J2节目《仔仔一堂》引起不少话题，近日接受林柏希在网上平台节目《月倾会》访问，林柏希问Vinci有咁多身份，主持、拍剧、生意人、又做过主席，最近更做埋电视节目《仔仔一堂》嘅制作人。众多身份角色，最锺意做边瓣？Vinci讲笑话：「最锺意梗系做人哋老公啦！」他更唔介意大谈同性婚姻。

Vinci接受林柏希在网上平台节目《月倾会》访问。

Vinci自爆最锺意梗系做人哋老公！

王贤志大谈同性婚姻。

林柏希追问Vinci嘅问题好到位。

同Kevin唔会分手

Vinci透露：「我哋拍咗7年拖先结婚，𠵱家结婚有6年， 即系有13年！」原来两人系对方嘅初恋：「我又觉得佢几好喎，Kevin系同我完全两个世界嘅人，佢识煮饭、种植同养动物，平时睇YouTube片系睇劏鱼、锯木；我就锺意睇骚、表演同时装，我同佢好唔同，反而喺对方身上发掘到唔同话题。」问到有否肉体或精神出轨？他反问：「如果大家同意就未必等同于出轨啦？我同佢冇七年之痒嘅，如果有嘅话，就喺我哋认识第7年发生咗，唔需要等到结婚嘅第7年。一对恋人点相处两个人知就得，唔需要牵涉太多人去估，（如果冇同意出轨会点？）唔会分手，大家都咁多年，需要沟通同理解罗，大家好似觉得我好花弗啦，好多花花，草草，其实唔系，我不知几咁dry，我觉得我同Kevin系冇乜嘢可以令我哋分手。」他又指自己系有心思嘅人：「试过plan过一日入面有5个节目，又畀surprise佢；佢会画啲嘢畀我…」

两人不时互相送上惊喜。

不经不觉已结婚6年。

王贤志同Kevin虽然系两个世界嘅人，但好夹。

最近刚刚播出嘅《仔仔一堂》，Vinci系制作人，点解会筹备呢一个节目呢？「其实都系timing呀！咁啱呢几年COVID啦，好多嘢都翻天覆地停晒，咁啱我有另一个partner都系制作人，我最特别嘅身份，就系我个gay identity，同埋一个咁公开嘅identity，我唔希望令人哋一听到呢个节目名就会谂，『有冇搞错呀，教人哋搞基。』其实唔系，如果斋系访问，由唔同嘅同性恋者讲自己嘅故事，好似documentary咁好闷啦，dating系个包装啫，最终佢哋date唔date得成，其实唔紧要，最紧要系佢哋个过程！」

王贤志近日主持的J2节目《仔仔一堂》引起不少话题。

他强调节目唔系教人哋「搞基」。

拍摄期间，遇上Vinci人生大考验，系Vinci妈妈同Kevin嘅妈妈相继患上重病！他一方面好投入去做呢件事，另一厢其实日日都出入紧医院，心情其实系好沉重又复杂。由于Kevin妈妈喺澳门，他和Kevin一齐返咗澳门，隔离14日，目的系见佢妈妈嘅最后一面！直至节目拍到尾声，Vinci妈咪离世前，他跟Vinci探妈妈时，Vinci妈喊住捉住两人只手，对Kevin说：「你妈妈𠵱家走咗喇，我就系你妈妈！你就当我系你妈妈啦！」Vinci说：「嗰刻我觉得，其实我做呢个节目，我有一个更大嘅使命，我唔系剩系想带出，大家更认识gay嘅生活，而系我好想令到，同性恋者身边嘅屋企人，都去明白，其实大家嘅包容同接纳系更加紧要！」

Vinci妈妈离世后，Kevin以另一半身份参与丧礼。

王贤志与父亲王忠桐(前右)、母亲胡丽明(前左)、两位妹妹王贤慧及王贤德一家五口全家福。

2007年时他不满资历比自己浅嘅崔建邦可以做台庆司仪，炮轰当时无綫总经理陈志云偏私，对于曾传跟崔建邦不和，问到同邦邦仲做唔做朋友？他强调说：「系因为啲新闻，令到我哋大家有咗个隔膜罗，但系事过境迁再见返，反而你会觉得好珍惜罗！𠵱家都系朋友，见返冇嘢呀！好好呀！我其实未离开电视台之前，有同佢一齐去泰国玩添！」

同陈志云及崔建邦仲系好朋友。

再问Vinci有冇锺意过圈中男拍档，如常合作的陈键锋？他直认：「陈键锋都算有啲好感，但未去到话钟意！」他直认嗰时觉得有啲人外形及才华，其实他都OK㗎！」问到系咪吴家乐？他不讳言：「因为我同佢同一日试镜《K-100》，所以识咗好多年！我谂佢sense到嘅！」

王贤志坦言曾对同陈键锋有少少好感。

最欣赏吴家乐才华。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ