独家丨乔宝宝返港搵快钱:唔想问个仔攞钱 西雅图登台黄夏蕙搭飞机去撑场

52岁土生土长香港人乔宝宝，近年定居苏格兰凑孙为乐，趁第二个孙仔下月出世前空档，日前由英国飞往美国西雅图登台，更邀得移居美国的黄夏蕙撑场，两人在台上妙语如珠，仲合唱《爱拼才会赢》，见到熟朋友的夏蕙姨非常开心，风骚地向宝宝表示，下年农历新年可能会返港上头炷香。采访：方骞平

乔宝宝和黄夏蕙相识超过15年，老友鬼鬼。

黄夏蕙跟乔宝宝系老朋友。

黄夏蕙由三藩市飞往西雅图捧场，更上台合唱《爱拼才会赢》。

乔宝宝到西雅图登台，在三藩市定居的黄夏蕙与女儿Maggie都有去捧场，原来宝宝跟黄夏蕙相识超过15年，感情深厚。黄夏蕙在外地见返老友劲开心，讲嘢特别幽默。

女儿Maggie及其男友，陪夏惠BB坐飞机。

夏蕙BB对宝宝好有心。

两人自制搞笑片。

乔宝宝喺西雅图观光。

夏蕙BB可能返港上头炷香

乔宝宝着肌肉衫扮大只佬访问夏蕙姨，追问她明年1月会否返港上头炷香？夏蕙姨笑说：「我梗会返啦，但唔关你事喎，你无权问我，你咪恃大只打得呀，我同你只揪咪只揪。」夏蕙姨又透露移居美国后跟女儿、孙仔、曾孙女家庭乐，她得戚地跟宝宝说：「好过你呀！你又唔带埋老婆嚟？」乔宝宝口花花玩鬼夏蕙姨：「你都系我前度呀，我知你喺度，专程嚟美国搵你，同你表演唱歌，其实系想见你，因为我好挂住你。」夏蕙BB马上落闸：「你就想呀你，我唔挂住你，你都娶咗老婆啦，我唔锺意食咖哩，嫌太辣。」夏蕙BB仲笑住嫌乔宝宝有猪腩肉，唔啱佢。

夏蕙BB喺美国周围玩，曾到访唐人街。

夏蕙BB喺美国搞生日会，难得四代同堂合照。

夏蕙BB美国旅程开心周围玩。

美国生活有孝顺女贴身陪住。

夏蕙BB依然好挂住香港。

喺美国再贺寿。

乔宝宝退而不休，下月初返港做「快闪店长」搵外快，他说：「屋企都有开支，冇理由问阿仔攞，咁我搵到钱咪一家人齐齐用罗。」

新抱腹大便便，乔宝宝第二个孙仔下月初出世。

11月27日是李小龙的82岁忌辰，宝宝喺西雅图期间顺道吊唁偶像及其儿子李国豪。

乔宝宝一有时间就搵钱帮补家庭。

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ