Juicy叮｜自爆暗恋已婚Bio老师 中四女生：无论几时都好想见到佢

学生暗恋老师的事件并不罕见。有中四女生近日在网上发文，指自己暗恋一名「个样唔差，比例几好」的已婚Bio老师，并指「我每日都好期待见到佢」，「有时候会幻想下，如果我同佢喺埋一齐，做啲好亲密嘅事，我就会好开心」。相关帖文随即引起热议，目前已获得逾5000人赞好。

该名女生日前向Instagram专页「schools.secrets」投稿，指自己就读中四，今年突然喜欢一名Bio老师，并形容对方「大概30几岁，但系个样唔差，比例几好，身上面应该有啲肌肉，绝对冇肥肉」。她指，「我每日都好期待见到佢，上佢嘅堂会好开心，成日都望住佢」，但当对方望向她的方向时，她就会慌张地避开他的视线。她指一开始只认为自己喜欢上bio堂，但近日发现不单只上堂，无论何时亦想见到对方，并指「每次佢落堂要执嘢走嘅时候，我会不自觉地放慢动作，就谂住想同佢近啲，一齐行出课室。」

女生向专页投稿，目前已获得逾5000人赞好。IG截图

她又提到，早上在学校门口当值时，很期待看到他，「不停咁谂佢几时返学校，望到佢入校门口嗰一刻，我嘅心情好似炸烟花咁，心跳会无端端加快。」她又指，觉得对方在上课时的说话及动作「好得意」，令她忍不住偷笑，并指即使对方每日只穿衬衫及西装裤，「我都会觉得好型」，并指他喜欢拉高衬衫衫袖到手臂位置，「我就见到佢嘅手臂线条，只手好大，好man，呢啲细节位都令我忍唔住将视线停留喺佢身上。」她又指，对方并非强势的老师，会耐心地解答学生的问题，而且授课清晰。

她续指，「有时候会幻想下，如果我同佢喺埋一齐，做啲好亲密嘅事，我就会好开心」，但指知道双方没可能会在一起，而且对方亦已婚，「虽然我每次谂起都会伤心，好羞愧，觉得自己好贱格，但系呢样嘢都令我保持清醒，唔好不切实际咁去期望。」她直言，「知我好变态咁，但系我就系控制唔到。明明佢都唔系我哋学校好出众嘅靓仔老师，但系佢就系有种魅力吸引住我，令我成日谂起佢」，又指「我仲未完全确认我系咪真系锺意佢，如果只系学生对老师嘅锺意咁梗系最好啦。但我有feel系想同佢喺埋一齐嘅嗰种锺意，我希望只系我嘅错觉，又或者系学生时期短时间内嘅crush」。

相关帖文随即引起热议，目前已获得逾5000人赞好。不少人留言劝喻她放下，并指「放过bio老师，唔好累到佢冇咗份工」、「讲咗几多次唔好搞老师」、「你想锺意佢锺意到害佢冇咗份工？」、「请放过老师」等。另有人则认为，「小朋友幻想下啫，好多人都钟意过老师，唔好真系实际去做一啲野咪得」、「我认为楼主冇问题，我觉得呢啲系青春期嘅嘢啫，唔好真系去追佢或者对佢做埋啲亲昵动作咪得罗」等。另有人则建议楼主「努力读好啲书，转移下视线，知道冇结果，就用好成绩去令你阿sir留下好印象，迟下见多咗个世界，就会发觉有其他男仔都可以令你有锺意嘅感觉」。

帖文来源：「schools.secrets」

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgY