独家丨林嘉欣创作音乐剧《塑像谱》讲母女报复关系　认同做父母要考牌：自己未合格

2022-11-09 07:00

林嘉欣相隔10年再跟恩师甄咏蓓导演及熟识的泰臣合作音乐剧场《塑像谱：窥看时间狭缝凝固的某一刻》。大讲母女情的故事由嘉欣构思，她承认做了12年妈咪感受特别深，又指做父母真的太难，应该要考牌有资格先可以做，自问仲学习中未合格，加上两个囡囡开始进入青春期特别难搞，好想快啲甩难。采访：杜杜摄影：Stanley 发型:Bart Choi 化妆:Will Wong 服装:30Menu

嘉欣坦承面对女儿Kayla和Sofie，开始觉得头痛。

嘉欣除了跟泰臣外，其他拍档都是首次合作，但气氛相当融洽。

《塑像谱》由四个故事结合而成，是非一般音乐剧，表演分网上短片及现场演出两部份，泰臣解释：「观众入场前先睇故事影像，系四个人物现实世界嘅呈现，入到舞台就睇佢哋内心世界。」现场观赏体验亦相当新鲜，因不设划位，观众进入舞台游走于表演者之间。泰臣说：「传统系观众坐定定望住舞台睇表演，今次就由另一个通道畀观众睇到啲灯、景同后台，系几新鲜、刺激嘅官能体验。」由于观众要分批入场，表演者要重覆演出配合流程，几个演员都承认特别攰，嘉欣说：「上次做剧场已经系十年前，都系同泰臣合作，今次真系好攰呀！个半钟里面要重覆演绎畀四批唔同嘅观众，好似演四场咁，做六场就好似做咗廿四场一样。」

一众演员跟导演甄咏蓓近日忙于彩排，为本周四（10日）演出作好准备。

Oscar（李祉均）在《造星II》后较少演出，今次会以舞蹈形式演绎故事。

泰臣将厕所转移上舞台

该剧四个故事包括：《春涩》、《夏蝉》、《秋别》及《冬虐》，分别由夺《全民造星II》季军的Oscar Li、林嘉欣、Jason及泰臣主演，而每个故事都由主演者亲自创作。Oscar的故事讲述隐蔽青年的内心世界，「当我遇到唔如意唔开心嘅事，唔会大哭大闹，反而对住手机睇唔同嘢麻木自己，但系咪好嘅处理方法系值得去探讨。」Jason就用庄子的故事，以「尾生」为守信抱住桥柱浸死的故事作蓝本，「睇大戏好多时都听到呢个典故，我好想去探讨『尾生』点解要咁做。」

Jason（江骏杰）会以粤剧的南音来演出，感觉相当新鲜。

泰臣谓今次创作过程很好玩，透过彩排可从另一个角度去了解对手。

泰臣发觉自己冲凉时疯狂一面同外界见到一面好唔同，就创作一只狼被困密室的预言故事，「边个先系真正属于我嘅状态，冲凉时发癫嗰个系我，咁平时嗰个泰臣先生又系咪我？」嘉欣笑泰臣，「佢系想将厕所个空间，转移去舞台上，哈哈！」泰臣都承认，「差咗冇花洒，导演都阅读到我想赤裸，所以叫服装帮我做咗少少赤裸嘅感觉，系颇性感。」而Olga就担纲类似观众的导赏员，「几个故事同表达系比较梦幻，我就好似桥梁畀观众入嚟嘅时候，识得点接收，同埋引发佢哋思考，帮佢哋进入故事，表现形式系直接同观众讲嘢。」

泰臣这个被困密室的狼造型，确实相当性感。

由于观众不是坐定定睇演出，Olga（锺宛姗）温馨提示要着对舒服的鞋睇骚。

嘉欣身体太攰配合唔到

至于嘉欣演的故事，就以母女关系为中心，「做咗妈咪后，发觉母女间唔系净系爱，其实好矛盾，我就写一个母亲、老太太，被上一代打压，婚姻失去自我，佢就用报复心态控制同打压个女，我觉得原生家庭嘅创伤或者自尊受损，系唔会带有意识，不断重覆发生。」嘉欣会一人分饰母女两角，她承认有点吃力，「因为情绪会推得好大，但系一收就要收，始终剧场唔同电视、电影，发放能量系大好多，所以好攰，发觉身体开始配合唔到，我想去到情绪高涨，但系只脚唔郁，好嘅系提醒自己要多啲做运动，哈哈！」

嘉欣在剧中会一人分饰两角，分别饰演母女。

相隔十年再演踏舞台，嘉欣开始彩排已感到好攰。

讲到跟12岁Kayla和9岁Sofie的母女关系，嘉欣大呻：「𠵱家嘅细路仔接触资讯太多，佢哋好聪明，所以每次同佢哋分享某啲嘢，好似要scan一次自己，要等一阵沉淀两分钟，唔想大家同时跌入情绪陷阱，我都系人都有情绪，都需要冷静时间，阿女都需要时间去反思，头先讲嗰句说话系咪好激，我成日都觉得做父母或者妈咪都要不停去自我scan，好多时你讲一句说话，就可能种咗落去，佢会记一世，点解话𠵱家做家长系要考牌。」问到嘉欣若然考牌有冇信心合格？她就笑说：「未合格㗎！我仲努力紧，要学一世呀！」泰臣笑指嘉欣女儿不同年纪时，她要考不同的牌，嘉欣亦好认同，特别是两个女儿步入青春期特别难搞，「如果过到呢几年，我就成仙啦！哈哈！（过咗到佢哋唔理你？）好呀！ free啲！」