林盛斌遭当红男歌手藐视拂袖而去列两大特徵网民估系呢3位！

2022-11-08 21:00

由DJ转型做艺人的林盛斌（Bob）从出道至今瓣数多多，除了吸金能力惊人之外，连吸haters的能力亦相当强劲，虽然Bob自有一套应对方法，但对于他的4个宝贝，少不免会有一定程度的影响，近日Bob接受林柏希主持的YouTube节目《月倾会》访问，他亦有提到这个问题。当中更自揭在担任DJ时曾被男歌手藐视拂袖而去，更列出两大特徵，令网民纷纷竞猜「谁是真凶」。

【点击睇Bob点教囡囡面对haters以及做DJ惨痛经历】：

Bob近期的人气相当劲！

撮合过朱慧敏。

系圈中出名多仔公！

工作几忙都要照顾小朋友。

系好爸爸。

成日做主持。

亦撮合过张秀文！

家人一度成为网民狙击对象。

对家人照顾无微不至。

工作几忙都要照顾小朋友。

成日晒恩爱。

太太一直喺背后好支持。

EQ好高。

一家人关系好好。

好温馨！

囝囝好可爱！

徐富贵好入屋。

参与过不少节目之演出。

24孝爸爸。

好温馨！

对于《美丽战场》大受好评，Bob今次又同叶念琛再一齐合作，另一个要多谢，就系拍档阿Moon（刘佩玥）。

Bob大赞Moon是一个好女仔：「一个好专业嘅演员，对件事好认真，大家都真系好投入去做，同佢一个情深嘅拥抱，都系万语千言尽在嗰一两幕之中，做完之后啲工作人员都走嚟同我讲㗎，哗，好嘢喎，估唔到你有啲暖男情深感觉喎！」

被网民封为「最强CP」，Bob笑说：「平时多数都系插我多㗎嘛！激进少少讨论区嗰一两个呢，佢赞我喎！估唔到嗰个肥X都可以，咦，都感动到喎，佢喺度回顾返自己嘅故事，喂，我眼湿湿喎！」

Bob原来最想演一套纯爱剧。

系《Love Generation》（恋爱世纪），木村拓哉加松隆子那一种。

Bob吸haters的能力亦相当强劲，连老婆仔女都成为公众视线，佢就有一套教育子女面对hater方法。

Bob话：「我当然话返俾佢哋听，唔好意思，因为可能爸爸做呢个工作嘅关系，令到啲人会注视我，我哋一齐去面对呢一啲嘅留言吖！大家正能量啲。」

又会同大女讲：「霏霏，你见到呢啲嘅（留言），你俾个like佢，因为能够搵到支持你嘅人，系唔容易㗎！」

仲会话：「到见到有啲留言话，呢个女仔扮咩，个老窦麻烦、个女都系咁㗎啦，一担担㗎啦，食屎啦！照样留言俾佢，话返俾佢听，你一啲嘅感受，我哋系用一个好和平嘅心态！」

教女好正面！

之后又畀林柏希追问有几多身家！

Bob好坦白话：「我觉得如果当我变卖晒所有嘅资产，咁我谂可能我唔做嘢一段长嘅时间，而维持到依家嘅生活，都应该去到细仔中学毕业咁！」

Bob最初冇正面回答。

最后话：「大概8位数字！」

吸金能力果然惊人！

之后仲爆一个做DJ唔愉快嘅经历！

Bob话：「有一年喺我哋电台（新城）颁奖礼嘅后台，当时台长系锐哥（朱明鋭）啦，佢话，咦，Bob呀，你录嗰啲ID，叫我揸住个录音机就录嗰啲『新城电台新年快乐』！」

「去到某一个歌手嘅时候，先同唱片公司嗰个人讲，唔好意思，我想搵阿边个录呢段嘢，佢睇完OK，叫我试下问下佢啦，我咪走埋去罗，唔好意思，咁我好有礼貌好客气，可唔可以录一录呢段呀，一睇，跟住有个小小嘅啧（一声），掉走咗去喎！我睇到张纸飘落地，佢又行开咗，我唔知佢有心定无意定唔小心跌咗，跟住之后个唱片公司话sorry sorry，我谂都知佢脾性，我心谂佢都几大支嘢喎！」

Bob冇开名，只系话系呢位男歌星有两个特徵：「当时得令啦，又靓仔又盛！」

网民即估男歌星到底系边个！

讲到最激嬲老婆嘅一次，Bob就话：「嗰阵啱啱结婚冇耐，同几个朋友夹份开酒吧要应酬，有一晚开紧咪，朋友打嚟话去捧场，有时真系饮到天光，朝头早先有机会返到屋企，仲要断晒片！我试过去咗个衣柜度，以为系厕所屙咗笃尿，屋企个门口又试过，入到自己屋喺个睡房门又以为系厕所，有好几个月，嗰段时间就系我老婆话得我最紧要嘅时侯！」

想同边个争最佳男配角，Bob就话：「第一我又几锺意喺《美丽战场》嘅李成昌，即系阿威爷啦；另外我锺意之前《痞子殿下》嘅张颖康，仲有朱敏瀚都系几出㗎；《黯夜守护者》嘅谢东闵；咁如果你俾我再加埋《下流上车族》，我想加埋邓智坚，智坚我觉得都好deserve个嘉许，同埋认同嘅机会！」

圈中有「金牌媒人」之称嘅Bob，讲到最难撮合边个艺人，一定系呢个：「方力申啦！无论系我电话同佢讲，定真人同佢讲，我话，喂，睇下吖，呢个真系几好，同埋佢对你有好感呀，佢话唔好啦！大佬，你连交友app都有玩，点解你唔要个朋友brother去介绍一个几好嘅？佢又成日话唔好，扭拧都唔紧要，咁你对自己有要求，想要搵个更加好，但连呢个开放嘅机会去试下，都话好似唔系好好！」