独家丨江美仪爆林敏骢片场发脾气玩匿埋 51岁再着黑丝怕被嫌老闹「收皮」

2017年江美仪于TVB剧集《亲亲我好妈》首做女一，点知搞到满城风雨，是非不绝。相隔5年，江美仪终凭台庆剧《下流上车族》得到反弹机会，剧集叫好叫座，更有望以大热姿态冲视后。江美仪带住正能量拍此剧，最大满足感系零是非，跟剧组合作好开心，更笑住爆林敏骢扭计事件。江美仪的正向仲吸引埋梁洛施，主动DM她做朋友。 采访：方骞平 摄影：谭志光 发型：Ivan Lee @ Headquarters 服装：MARELLA

学佛后江美仪成日人唔同晒，踼走负能量焕然一新。

江美仪学佛令自己变成一个更好嘅人。

美仪𠵱家冇晒负能量。

江美𠏮坦言当年因为太急做错好多嘢。

美仪变得人美心善。

10年前江美仪于台庆剧《名媛望族》中着黑丝情挑刘松仁成为经典一幕，10年后台庆剧《下流》，51岁的她再着黑丝及性感通花睡裙诱惑林敏骢。对于再着黑丝，她承认拍摄前有犹豫过：「𠵱家啲网民反应咁直接，唔锺意就闹，几惊被话『咁老收皮啦你！』好彩反应OK。」

年过半百的江美仪再着黑丝，曾经担心网民会嫌佢老。

江美仪着Bra演出，做开运动，身形非常好。

剧中江美仪有多场性感睡衣场口，骢哥竟然唔欣赏，叮嘱她快啲拍完收工。

黑丝仪再出动。

着性感睡裙同林敏骢有牀上互动。

江美仪年过半百仲好有魅力。

10年前江美仪喺台庆剧《名媛望族》中，着黑丝情挑刘松仁成为经典一幕。

江美仪喺《杀手》中，都有展示美好身段。

《下流上车族》中江美仪同剧中囡囡齐着泳衣上阵。

剧组搞唔掂骢哥自己出马

江美仪大爆拍挡林敏骢难以驾驭，剧组一搞佢唔掂就由佢出马：「但佢好尊重我，会听我讲道理。其实林敏骢好似小朋友咁会包拗颈，好记得有次喺片场发生咗啲小误会，佢发脾气匿喺5楼休息室睇手机，我走上去𠱁佢『要唔要苹果批、黑咖啡？加多个汉堡包呢…』跟住佢顺返条气后就打返畀我，诈娇话『我冇嘢呀，玩佢哋啫！』激死人，佢月经到就用暖水袋敷肚喇！」

江美仪同林敏骢首次合作，两人嘅感情戏好细腻，相当有火花。

首合作好担心MSG表示不安

剧集开拍咗一日突然由黑仔(姜皓文)换入林敏骢，江美仪同骢哥未合作过难免有顾虑：「坦白讲，拍前我有传短讯畀林敏骢提佢『骢哥，呢套戏我好大压力㗎，我51岁先再做主角，唔系成日有呢啲机会，我真系好认真对待件事』，点知佢好型咁回应我『我话嘅，一定得！』谂返转头我使鬼担心咩，佢冇咁丰富感情点样写到千首情歌？」江美仪最难忘骢哥要她配合，加入情感拍两公婆重修旧好的感情戏，睇到幕后都忍唔住喊：「骢哥𠵱家叫我做 『助攻王』，佢觉得我嘅『角色』可以帮到人达到一啲嘢，仲话拍完嗰场戏，试到我唔系一个自私嘅人。」

呢场夫妻间真情剖白戏赚人热泪，林敏骢都感激「助攻王」江美仪的配合。

戏里戏外，剧中一家人相处融洽零是非。

江美仪拍此剧拍得好开心。

戏内似足一家人。

同梁洛施有缘成为好朋友

当年江美仪首做女一时是非不绝，传过改剧本而惊动高层，更要停厂4日执靓剧本。旧事重提，美仪勇于认错，坦言当年因为太急做错好多嘢，自称错得好紧要的她有所觉悟，原来急同忟都无助件事：「经过反省，加上两年多以嚟疫情嘅沉淀及宗教影响，𠵱家成个人都唔同晒，以前可以用舒服啲方式处理，而唔系坚持自己方法令人哋难受，𠵱家尽量保持正能量去帮人，因为咁，呢个剧冇是非，团队好团结会互相帮助，拍得好痛快。」另外，对于梁洛施为她庆生，她又拆解两人好友之谜，美仪笑说：「就系缘份到，所以做咗朋友！」原来梁洛施想跟美仪学佛打坐，所以主动喺IG DM她，两人开始出嚟食饭讲心事及讲佛：「打坐令一个人可以定啲冇咁冲动，静落嚟睇吓自己有啲咩唔好，令自己变成一个更好嘅人。」

5年前江美仪首做女一拍《亲亲我好妈》惹来连串是非。

江美仪及梁洛施因为学佛结缘，再成为好朋友。

学佛打坐令到江美仪变得冷静，改变以前冲动恶习。

家中爱猫都成为美仪嘅心灵鸡汤，系开心泉源。

近年江美仪拍落唔少剧集，但唔系套套占戏都咁重。

许绍雄、江美仪分别于2013年度万千星辉颁奖典礼夺得「最佳男、女配角」。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ