67岁苏施黄疴血入院照肠镜患大肠癌三期已割15CM肿瘤兴奋冇扩散下月化疗

2022-10-24 20:15

67岁的苏施黄曾于2005年患乳癌，战胜癌魔后如常工作食好嘢，3年前离开商台转做「SOL（Star Opinion Leaders）」，开 YouTube 频道「教煮苏 This is So good」分享食买玩。

TEXT:星岛头条娱乐组

阿苏一直好识享受人生。

开 YouTube 频道「教煮苏 This is So good」分享食买玩。

日前，阿苏上载医院自拍的新片「照肠结果出咗啦！」亲揭患了大肠癌第三期。阿苏透露上月26日入院做检查，照心照肺照胃照肠，发现罹患大肠癌后即接受手术，住了8日医院，于出院前一日拍片轻松讲述情况，并预备接受化疗，积极抗癌。

阿苏上载医院自拍的新片「照肠结果出咗啦！」

她说:「星期一入院照心，照肺，星期二照肠照胃，瞓咗8日医院，因为疴血照肠，好似痔疮咁，疴三几日又停，停咗个几月又疴鲜血，痔疮会痛，我又唔系痛，咁唔痛，会系乜呢?医生话稳阵啲，照吓好，我父亲都患过大肠癌，报告出咗，系肠癌，拎啲嘢去验，夜晚就知，出报告要切割。」

阿苏表示因为疴血而照肠。

发现有大肠癌即刻切。

「星期三切割咗肠，大肠转角位切咗15cm，嗰度有个肿瘤，侧边攞咗25粒淋巴，其中3粒有感染，医生晨早已经话肯定唔系第一期，验出嚟系大肠癌第三期，佢话稳阵啲，做完手术后再做一个PET Scan(编按:正电子扫描(Positron Emission Tomography，简称PET Scan)检查，睇吓有冇走去身体其他地方，骨或胸。」

报告出咗无扩散，阿苏举晒V字超开心「噚日临出院做检查，结果冇扩散，而家系大肠癌第三期，已经切咗，做完手术嗰日瘟瘟沌沌，但精神，吊咗两日盐水，第二日已经要求落床，第三日要求唔要吊盐水，我好锺意食嘢，拔晒啲尿喉，通大肠嘅喉，盐水喉，可以食啲Soft Meal，自己喺病房行来行去，行一阵发现房太细，唔够喉行出走廊，特登用手摆腰后面，挺直啲行，伤口因为微创，好似一个五筒咁，喺个肚脐侧边开咗4个窿，放啲内窥镜入去，郁来郁去唔系好痛，非常感谢医生同护士护理人员，包括同我抺身，照顾饮食，另外要超赞医院啲饮食。」

阿苏指伤口好似五筒咁。

赞好医院饮食。

好锺意食的阿苏愈讲愈兴奋，「大家点解觉得自己病?我好怕饮滚水，成日觉得病人先会饮滚水，由细到大都系咁讲，有啲食物病人先会食，所有医院嘅食物都相当难食。」阿苏仲PO咗好多医院食物出嚟，包括虾球炒贵刁、烧腩仔、点心同黑椒猪扒意粉等等，卖相相当吸引，难怪佢Send畀朋友睇，朋友都以为我佢出咗院。

阿苏跟密友金燕铃。

19年初，自爆患上子宫癌的金燕玲现身密友苏施黄主持的电台节目《大玩派》，分享抗癌经历。

医院食物超吸引。

难怪朋友以为佢出咗院。

呢个纸包蛋糕系金燕铃买的。

阿苏大赞菜汤好饮过出面好多好多。

叉烧河粉。

仲有点心。

呢个好癫。

虽然做完手术，但阿苏仍中气十足，仲有感而发教大家点做一个正能量嘅病人。「一个人当你食嘢觉得自己病就好病，但当食嘢觉得同NORMAL人一样就一样，我开咗刀，咁大个症，仍然笑口噬噬，面色非常之好，最紧要心境开朗，全靠食物。我而家仲有大考验，因为仲要做化疗，唔紧要，化疗完又擦过，朋友话化疗前先吃为敬，化疗后再吃为敬。」好多网民赞阿苏开朗豁达全身正能量，又留言祝福阿苏早日康复。