刘美君80岁饼印母亲患脑膜瘤 高尔夫球咁大粒手术成功劲感动

57岁的刘美君曾于18年担任首季《全民造星》导师，本来第二季都可以冧庄，但因为政治言论辣㷫网民，最终放弃唔做导师由陈洁灵顶上，更远走加拿大凑孙，及暂别社交平台一段时间。

刘美君曾担任首季《全民造星》导师。

嗰阵嘅EDAN几嫩口。

江老板好靓仔呀。

刘美君嘅孙仔同孙女。

两嫲孙好好感情。

后生嘅刘美君同囝囝。

贵为瑜伽高手的刘美君经常分享各类运动及瑜伽短片，以近60之龄，全身轻钢铁身形，有老鼠仔有腹肌，明显用心经营，系厉害嘅。
中秋节当日，好少讲家事的刘美君，在社交平台公告佢妈妈几个星期前被诊断患有脑膜瘤，个瘤大约一个高尔夫球咁大。「呢个简直系一场旋风，我哋疯狂哋担心，因为唔知道个瘤系良性定恶性。」 好彩得到Dr Toyota嘅顶级治疗，佢哋取得胜利，打咗一场漂亮嘅仗。

好劲。

睇吓个腹肌。

边忽似就嚟60岁?

刘母的脑扫描。

祝早日康复。

刘美君仲有感而发，觉得呢件事令佢变得更坚强。「我唔知道原来我可以一直保持冷静同镇定，我唔知道原来我见到血系唔会晕，我清理咗妈妈嘅伤口，帮佢冲凉......。」 

而中秋节系刘母嘅80岁生日，亦系刘美君囝囝嘅牛一，睇相两母女好似样，刘母个样仲一啲都唔似80岁添。最后刘美君好多谢朋友及网友嘅祝福，仲话妈妈喺屋企休养中，复原得好好，因为有三个不同嘅治疗师及一名护士协助佢，更指妈妈每日瞓到好似BB咁，胃口仲好似马一样咁劲。

四代同堂庆生，刘母真有福气。

圈中人如李幸倪及谢安琪等都有送上祝福。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ