独家丨直击汤怡预祝麦秋成43岁牛一撇低囡囡著火辣贴身短裙西贡Staycation

2022-09-12 14:30

汤怡（Kathy）与麦秋成去年初奉子成婚，囡囡麦QQ（麦紫乔）于6月出世，转眼间已经一岁3个月大，一家三口相当幸福。本月18日系麦秋成的43岁牛一，今日早上两公婆著晒情侣黑衫现身西贡WM酒店，但未见爱女麦QQ同行，估计汤怡为老公提前庆生，嚟一次浪漫睇海staycation，唔知麦QQ有无机会多个细佬妹呢？

酒店职员帮两人处理行李。

两个人有大堆行李。

麦秋成好忙。

汤怡负责睇住老公拎行李。

成个车尾厢都系行李。

汤怡喺酒店大堂挂住揿电话。

据目击者透露，身穿黑色背心裙踼拖嘅汤怡，衬埋老公黑色背心及短裤，好有渡假feel。抵达后老公主动去车尾厢拎行李，就算「升呢」做咗「索妈」嘅汤怡仍然enjoy做「港女」，企埋一边玩手机。

两公婆表现得恩爱痴缠。

不时制造惊喜。

于于西贡的度假式酒店WM hotel去年8月1日正式开幕，邻近西贡海滨，装修走简约自然路线，大量落地玻璃设计，边个角度都望到无敌大海景；楼高5层，约有260间客房，部份房型更拥有海景私人花园、露天浴池及海景露台等！酒店设备亦完善，拥有5间海景餐厅，最吸引当然系顶楼的无边际泳池，情侣喺日落下嬉水，相当浪漫，所以成为港人最新打卡酒店，港姐亦曾在酒店拍外景，MIRROR成员Anson Lo亦在酒店拍摄过《Megahit 》的Dance Version MV，好多神徒都曾入住打卡放上网，普通房价格约2000元以上。