独家丨薛影仪孭住两单官司跳出香港加薪50% 大马着80蚊泳衣晒象脚:我身形都OK

2022-09-13 07:58

薛影仪签约嘅亚视子公司「亚洲电视数码媒体有限公司」已经清盘，但未有影响到母公司运作，「永恒亚视」第一时间将阿仪及「最索经理人」林宝玉揽实唔放，安排两人过档由林文龙揸Fit的靓品牌AMM。早前，阿仪到大马宣传时，紥住孖辫加蓝白波点泳装look现身，圆碌碌身形加上肉肉象脚再配以标志式零表情成功呃like，吸引大量大马人成为「影子」(Fans昵称)，据知因为阿仪好啱当地人嘅重口味，今次因祸得福跳槽后仲获加薪50%，加咗咁多人工，阿仪开心啲笑吓啦！采访：方骞平鸣谢：AMM(大马)

周身肉嘅阿仪自评泳衣look，「我身形都OK。」

阿仪心情大靓，系咁举V影相。

薛影仪被指系亚视「最后希望」，子公司「亚洲电视数码媒体」执笠，所有亚姐冇得留低，即使孭住两单官司嘅阿仪依然有不死身，因为早前阿仪喺大马做宣传时劲受欢迎，喺当地狂接10几个job，而亚视子公司AMM嘅基地遍布星马港台，因此阿仪未来会跳出香港去大马接戏，省靓「亚视一姐」招牌。

阿仪及林宝玉过档由林文龙揸Fit嘅靓品牌AMM。

阿仪最近因为喺公众场所，冇牌揸大胆车再惹官非。

阿仪嘅普通袭击罪仲等候上诉中。

对筒形Body好有信心

月前阿仪先赴大马一个月试水温，联同亚姐陈美仪、袁群有、梁欣娟及谭梦娜首次出Trip，《头条日报》独家获得阿仪喺大马水上乐园嘅绝密泳装靓相，相中见38岁「仪BB」束上孖辫，额前浏海，配80蚊嘅私伙波点裙仔泳衣，粗碌身形加上象脚仔劲得意，同去年参加亚姐首轮面试着嘅三点式比较，可爱造型顺眼好多。对于今次泳装登场，阿仪信心满满咁叉晒腰、V晒手、仲大派心心摆甫士影相，佢好开心表示：「件泳衣系之前买嘅，都几好睇呀，而且发型师帮我设计呢个造型好可爱，呢个泳衣look都锺意㗎！」阿仪仲自我感觉良好，好有信心咁话：「我身形都OK。」

薛影仪(右起)、陈美仪、袁群有、谭梦娜、梁欣娟畅游水上乐园，阿仪摆晒Pose好开心。

ent-薛影仪

去年，阿仪参加亚姐面试时嘅凸腩look，「惊为天人」。

阿仪呢件泳衣喺南丰商买，只系80蚊。

被当地传媒追踪嬲猪
薛影仪由香港红到去大马，「影子」(fans)周围都系，大受欢迎，她出席粉丝见面会获男Fans疯狂叫：「阿仪我爱你！」又有两名男主持送花，却惨被阿仪请食「柠檬」，叫她转送其它朋友。阿仪解释说：「因为我唔锺意花罗。」问到对大马男仔嘅印象，阿仪斩钉截铁话唔锺意：「我唔识男仔㗎…」不过却被踼爆她一时兴起，主动跟拿督交换IG，她口窒窒说：「同其他佳丽一样，有需要会联络。」