独家丨姚焯菲靠友情捱过网片事件困扰提起《声梦》战友就想喊

2022-09-06 07:00

姚焯菲（Chantel）最近推出单曲《#BFF》，今次讲友情令她觉得更有共鸣，特别早前受网片事件困扰的她，能顺利捱过，朋友力量功不可抹。她又解释早前在金曲颁奬礼夺奖时演唱失准，提醒她要更努力进步，最近更尝试作曲填词，希望未来能够有满意作品可以公开发表。采访：杜杜摄影：罗安强

冇见Chantel一排，跟炎明熹一样都长高了。

新歌《#BFF》由曾出任《声梦传奇》客席导师的林奕匡作曲，Chantel好荣幸唱到对方作品，而「BFF」意指Best Friend Forever，以友情作主题她亦唱得份外投入，更想透过作品答谢一直在她身边的朋友和歌迷，「我有好多好好嘅朋友，想将呢首歌送畀佢哋，同埋我都想用嚟多谢fans，想多谢佢地一直都陪伴住，无论我发生咩事都喺我身边。」录音时，她还想起一班《声梦》战友，提起仲眼湿湿，「佢哋真系一班好好嘅战友，死啦想喊𠻹！由比赛开始一直喺身边陪伴住，呢件事系好美好，生命入面有一班咁好嘅朋友。」

新歌《#BFF》讲友情，Chantel觉得唱起来更有共鸣。

Chantel好想藉着新歌，答谢一直支持她的朋友及粉丝。

介意颁奖礼献唱失准

重视友情的Chantel亦承认早前受网片事件困扰，亦全靠一班好朋友，令她走出低谷，「有时睇见啲负评唔开心，或者间中谂返起嗰件事唔开心，但有朋友喺我身边，佢哋都会话冇事，你可以做到，捱过呢一关，佢哋一直都喺我身边话唔会离开我，令我好感动。」而这件不快事，亦令她有所学习及成长，「学到凡事要小心啲，无论系交朋友或者任何事都要提高警觉。」

网片事件一度令Chantel不快，幸好爸爸及家人一直支持。

Chantel在金曲颁奬礼凭《原来谈恋情是这么一回事》夺金曲奖及女新人银奖，因太紧张令演唱失准。

对于早前在金曲颁奬礼夺奖时演唱失准，Chantel仍很介意，但经一事长一智，未来会继续提升自己实力，除了想挑战跳唱歌外，她还趁暑假努力创作，「有属于自己作嘅歌系非常之重要，好多歌手都系将自己情绪摆喺首歌入面，透过首歌令到更加多人有共鸣，所以我都学习紧。」她透露暂时已完成了半首歌的曲词，但距离发表还有一段距离，「唔好攞嚟出丑，唔系作得太好，要再改善，我𠵱家作慢歌先，都系讲自己经历，如果真系几好嘅话，就攞出嚟畀大家听。」不过Chantel谓唔会畀个限期自己，但会趁得闲努力创作。