独家丨炎明熹备战DSE自嘲贴考题永远贴唔中赞杨千嬅主动提点有妈咪Feel

2022-08-23 07:00

炎明熹（Gigi）终由内地回归香港兼推出新歌《焰》，自爆参与《声生不息》后获益良多，全程又获杨千嬅特别照顾，被叫「阿女」超幸福。虽然Gigi 在内地工作有机会多见家人，但明年要考DSE，故未来一年会专注学业放轻工作。采访：杜杜摄影：朱伟彦发型：Hugo Poon @iiAlchemy 化妆：King Yip @Kings Makeup 场地：The AIR (The ONE)

冇见Gigi一段日子，不单思想成熟了，身高都有增长。

新歌《焰》讲团结力量更大，Gigi认为就好似工作一样，「得我一个人好难做好任何嘢。」制作歌曲过程更令她明白一个道理，「我谂到个火要柔，好似自信咁，唔可以太多，过咗笼就唔系几好，要不愠不火。」Gigi因在内地而首次用遥距方式录新歌，对于新歌歌声有不同，她就解释因只得17岁，声音仍在变未稳定，她亦会不断尝试搵出最好听的声音，「我唔系专注用一个tone去唱，唔同歌会用唔tone去表达，认唔出反而系好事，呢个阶段想不断试，暂时仲揣摩紧。」

Gigi新歌《焰》讲团结力量更大，令她得到启发。

首见前辈内心好滚动

讲到在《声》中跟多位前辈合作，Gigi坦承非常之滚动，不过她跟一班前辈好快熟络，仲够胆向他们请教，「佢哋唔难相处，都好nice，我会问佢哋问题，佢哋都会好愿意解答，一开头见觉得系遥不可及，远在天边咁，𠵱家可以近在眼前好荣幸。」

Gigi面对一班前辈工作，由最初紧张到后来打成一片。

当中Gigi跟杨千嬅和叶蒨文最熟络，特别是参赛时跟她合唱过《勇》的前者，对她更加爱护有加，「相处得比较多，千嬅姐嘅低音真系处理得好好，我就问佢个低音点算呀？《念亲恩》有个位置系好低，佢就毫无障碍咁表演咗出嚟，跟住讲咗一大轮教我，我又再问佢其他问题，不过有时我未问佢，佢已经会主动话『阿女，你有冇咩地方需要我帮忙？你最近点呀？』，佢会好亲切，真系好关心我。」对于获千嬅称呼「阿女」，Gigi觉得劲冧，仲觉得对方有啲妈咪feel，「畀人照顾嘅感觉，好幸福！」

Gigi跟千嬅合唱《勇》，初次合作已表现合拍。

原来私底下，Gigi更获「千嬅妈妈」家长式照顾。

内地粉丝讲土味情话

Gigi在《声》中学习得最多是沟通技巧，最开心就是趁机跟家人见面，「好开心，见过三次，有次去深圳表演，爹哋妈咪带埋细佬妹嚟，所以一次过见晒，都会挂住佢哋，但已经见过唔可以太贪心。」Gigi强调香港及内地粉丝同样重要，所以不会为多见家人而多到内地工作，更笑言发现内地粉丝表达支持方式跟香港粉丝大不同，「佢哋会讲土味情话，听完之后会起鸡皮嗰种，例如有次我表演跳舞，佢就会话『你跳舞可唔可以跟拍子，点解你次次都踩住我个心去跳』哗！哈哈！」她又感动有粉丝专登到长沙支持，「有啲真系坐高铁或者坐飞机专登嚟睇我表演，会好感动。」

Gigi到内地工作最大好处，就是可以趁机跟家人团聚。

Gigi返乡探望家人，搞到嫲嫲和妈咪都感动到喊。

本身在内地已有知名度的Gigi，参加完《声生不息》更加爆红。

虽然在内地发展顺利，Gigi强调不会放弃香港粉丝。

参加《声》期间，Gigi要用遥距方式上堂，她坦承对学习有一定影响，由于明年将考DSE，未来一年学习好关键，所以会专注学业放轻工作。上台表演好淡定的她，自爆每次考英文口试都会紧张过唱歌，「我个心仲跳得快过上台，系我第一次上台嘅感觉，每次口试我都系跳到咁。」讲到有冇信心考到好成绩，她搞笑话：「最有信心系设计，最冇信心就全部都系，因为设计、画画系画自己想像嘅服装系点，其他科就冇把握，因为温嘅嘢都冇出到，差唔多次次都贴唔中，唯有尽量温晒佢。」