MC开骚减4KG被叫除衫洪嘉豪自爆排舞辛苦劲黑面

2022-09-03 19:00

MC(张天赋)及KAHO(洪嘉豪)一连三场的《Kaho x MC Frenemy Live 2022》昨晚（2日）在STAR HALL举行，开骚前夕，歌迷应援物件塞爆场外，将STAR HALL变了打卡游乐场，两人亦作出新尝试，以劲歌热舞演唱会展开序幕，唱了《触电》及《二损一》，令观众HIGH到飞起！跳唱完毕，两人都喘著气同观众笑道，「哗，收货啦？呢个开场！系咪值回票价先？」观众欢呼不断，MC开心笑住话：「噚晚彩排都冇咁喘，真心有观众系到真系喘啲！不过我觉得自己都好似几有跳舞天份？系咪？」观众即大叫 :「系呀！好正！」KAHO又即问歌迷，「我都唔弱系咪？」连随获得不少掌声。

接著两人于台上，拿出一粒大骰仔，MC笑住话：「啱啱唱完两只歌，而家二选一！睇吓边个独唱先！我哋用『残酷骰仔』决定边个唱先！经过噚晚彩排发现，完两只舞再唱Solo，其实好辛苦，所以其实我哋大家都唔想做唱先嗰个..哈哈。」最后KAHO择骰择中自己，MC即开心到几乎弹上天。

到了演唱会的尾声，两人又再劲歌热舞，他们异口同声表示为演唱会付出了很多第一次，MC大爆KAHO最初排舞时不停投诉，KAHO亦自认黑面黑到爆，连MC都笑言差点发脾气。听到MC为演唱会减了4kg，现场观众即大叫「除衫！」搞到MC尴尬傻笑耍手话：「未得啦，未到呢个位....哈哈....」KAHO亦表示要多谢MC：「今次呢个骚好密集成日见，好多时好inspire我，push 我去跳舞，先有今日成绩，衷心多谢你」MC更说：「多谢你喺呢段时间陪咗我啦，呢段路上有人陪差好远，啱啱开场前，好彩有你喺后台又倾又讲，我先冇咁紧张。」